#10 Quand ai dich "pichons fascistas" pensavi pas a vos. Emplegi pas los mots "nazi" e "fascista" a la tusta-limbusta. Tampauc lo mot "socialista". Pensi qu'auèi i a de fascisme a la modèrna, de socialisme a la modèrna... A la modèrna vòl dire "descafeïnada". Totun, negar lo drech a l'adopcion als omosexuals es una mòstra de mesprètz als autres. A unes autres. Als omesexuals, los autres, que son pas coma nosautres. Pensi qu'es criminat de negar lo drech a l'adopcion a un grop. Ieu ai agut d'enfants, se los aviái pas agut seriái una persona vuèja. S'èri estat omosexual, m'auriatz negat aquel drech? Seriái estat omosexual, seriái lo bon (o marrit) paire que soi. E pensi que negar de dreches deguts es fascista, sincerament. Pas al sens de l'eliminacion fisica, solide. Mas es una actitud fascista. O totalitària. O mespresanta. O... De sinonims, ne'n trobariái milanta. Per de qué podrián pas adoptar los omosexuals? Pels prejutjats d'una majoritat. Aicibàs, en Catalonha, avèm ja virat aquela pagina. I a longtemps, urosament. Mas aquò empacha pas qu'aicibàs avèm una majoritat ignoranta. Uèi me tròbi amb de cobles de paire e paire, o de maire e maire, a las reünions d'escòla. E aquò's normal. Minoritari, mas normal. Las personas cultivadas tanben sèm minoritàrias, mas cresi que vos e ieu -sus aquel ponch- sèm fièrs de nos trobar de l'autre costat de la fola, vertat?

Me sembla, me, que n'i a totparier 'na differéncia entre la situacion occitana e la situacion arpitana que pot explicar la posicion de la deputada Laclais.

En Occitània avem dempuei lo Felibritge un movement unitari de defensa de la lenga. E un movement que se basa mai que mai sus la lenga pusleu que sus les entitas politicas qu'an existat sus lo territori occitan. En Arpitania me sembla pas que quo sia lo cas. Lo movement arpitan es joune. Lo mot arpitan es recent. Mas a l'interior de l'Arpitania n'i a un movement, lo movement savoiard, qu'es important, organizat. N'i a (o n'i a 'gut) daus movements regionalistas e independantistas. Eran basats sus ço que podem 'pelar un sentiment identitari (o nacionau coma voletz) savoiard. Ço que ditz la deputada.

La comparason que faria es mai que mai entre Andorra e lo demai daus pais catalans. P'una rason qu'un jorn Andorra faja partida d'una republica catalana. Pertant parlen catalan en Andorra.

Me sembla que pot aver una revendicacion de la lenga e mai una vision unitària de la lenga mas emb de las revendicacions politicas mai localas.

manel Zabala, vivèm dins de pais de libertat, l'omofobia se manifestava ancian temps per de leis que fasiàn de l'omosexualitat un delit, vuèi ei plus lo cas, aqiuesta lei es estada urosament abolida e ara, caldrià pas assimilar l'opausicion au maridatge per totis à una odi quasiment fascista deis "homo", ,passibla dei tribunau ! tombèm pas dins l'excès contrari! e puèi nazi, fascista, es lèu fach d'emplegar aquelei mots a la tustat-limbusta, a-tira-bot-dau-sac , la realitat es un pauc mai complèxa.remembrarai que lo segond d Hitler qu'ambe sei SA l'ajudar à conquistar lo poder èra Röhm, pederasta -tot coma son estat-major que fuguèron assassinats per Hitler en 1934, Lucchino Visconti n'en a agut fach un film, à l'auba après una nuech d'orgia arriban lei SS per lei liquidar, Visconti qu'eu tanbèn n'èra un.. es ansin, es coma aquo, es la diversitat de a vida e non pas lo maniqueisme, lei "soi-disant" omofobes qu'engendran de fascistas : atencion al "sueno de la razon"...

#7 Bon, au mens que podem reconéisher que n'a pas ua vision folklorica, mes "progressista", per'mor qu'en França, parlar de senhalizacion bilingüisme qu'ei dejà ua vision progressista de l'aviéner de la lenga concernida.

Responsa a Halhèr

Dins l'article, lo jornalista parla de francoprovençau, pas la deputada. Parla d'un país qu'a "un drapreau, un hymne et une langue." Aquò pòt pas èsser Arpitània dins sa totalitat. Ditz puèi : "il est intéressant pour la Savoie de faire reconnaître sa spécificité, qui n'est pas que linguistique".

Vene de legir la question alh governament. Aquí parla de francoprovençau, es verai; mai o fa pas dins l'entrevista. Dins l'entrevista sa posicion me sembla pas una demanda de reconeissença de totes los parlars arpitans , sa posicion me sembla localista. Se m'agore, tant mièlhs, mai crese pas.