Lo debat televisat entre Hollande e Sarkozy a començat amb un afrontament dialectic entre los dos candidats sus las desqualificions qu'an recebut, mas aquí François Hollande a interromput sul pic Sarkozy. "Auretz de mal de passar per una victima", a dich lo candidat socialista quand Sarkozy se planhiá d'èsser comparat al dictator Franco o al Marescal Pétain per qualques socialistas.
Sarkozy a justificat la politica qu'a facha pendent son mandat en assegurant qu'es estada coma aquò pr'amor de la conjontura economica mondiala. Hollande li a respondut: "Sembla que res s’apren pas a vos de çò que s'es passat dins aquel país los darrièrs ans". "Impòrta pas çò que se passa per los franceses, vos sètz content", a dich lo candidat socialista al president candidat qu'a respondut: "Es messorga que ieu siá content de ieu".
Dins un autre moment d'afrontament entre los dos candidats, Sarkozy a acusat Hollande d'aver fòrça programas e lo candidat socialista li a respondut: "n'ai solament un, ieu coneissi pas lo vòstre mas lo mieu l'avetz a la vòstra disposicion".
Un dels autres grands moments del debat es estat quand Sakozy a acusat Hollande de metre en causa la seguretat de l'energia nucleara amb la siá intencion de barrar de centralas. "Ne vòli solament barrar una e qu'a 40 ans", a dich Hollande.
En parlar d'immigracion, Sarkozy a constatat que la majoritat dels immigrants son de religion islamica. Hollande vòl qu'aqueles que fa cinc ans que son dins l'Estat Francés pòscan votar a la eleccions municipalas.
Dominique Strauss-Kahn es estat tanben un tèma del debat quand Sarkozy a citat lo nom de l'èx-director de l’FMI acusat de secutament sexual a Nòva York, e que deviá èsser lo candidat socialista a las presidencialas. "Coneissiatz vos la vida privada de Strauss-Kahn?", a demandat Hollande a Sarkozy qu'a evitat de respondre.
Los dos candidats se son abilhats de faiçon plan semblabla amb una carbata blau marin. Hollande a apelat lo qu’es encara president "Nicolas Sarkozy" mentre que Sarkozy a apelat lo candidat socialista "Sénher Hollande". Lo candidat president a optat per l'atac e a interromput sovent Hollande, çò qu'a provocat qualque planh del candidat socialista.
Òu Gèli, en Provença disèm tèsta a tèsta e fasèm ben partida d'Occitània...
Ancuei 3 de mai es la jornaa mondiala de la libertat de la premsa (despí l'AG ONU dal 1993).
Amario ben que sigue tantben una jornaa de la libertat de la premsa... en lenga occitana. Quora se vei los problèmas qu'an los mèdias occitans per èstre reconoishuts coma tal, en fonccionar en lenga occitana, per aver las memas ajuas que los autres jornals francofònes, se vei donca que i es ancara d'òbra.
Se cal felicitar de l'existença de mèdias occitans e liures coma Jornalet.com, La Setmana e autres...
Dempuiè qualques jorns nos an dit que seriá una contesta de clarificacion de las idèas de cadun. Aquo a pas capitat, foguet pas que de batestas de frasatas « merdicosas » coma se pòt entendre dins las escolas pichonas, un fun de chifras res de vertadierament prigond sus las idéeas o las proposicions.
Uèi, que siò dins premsa escrita o a la radiò ai ausit que de comentaris sus cossí èran vestits qu’un a mai estourbit l’autre et tòt aquò e pas gaire de comenratis o d’analis o d’explicacion sus los programmes e las causidas dels candidats. Me crési que la magèr part des jornalitas son afogats que per las causotas e non pas ço important o beleu qu’es aquò que lo monde vol saber.
Continuatz atal vostre trabalh , lo jornalet es un siti dels bons, tenetz vos fiers.
(Desencusatz me per las pecas)
Cap dei dos candidats a pas parlat, de ges de biais, dau camin que nos vòu faire segre e nos desliurar de la junta civila internacionala de la finança, qu'ara per ara, decidís, en luòc e plaça dei pòbles ancianament sobeirans, coma se dèu amirar la politica sociala e economica deis ancianas democracias de l'impèri capitalista europèu.
Parlicadas sonque, e reglament de compte… Dos "ego" que se trucan e retrucan coma se foguèssen dos mèstres dau mond. E son pas mèstres qu'en parlicadas desamiradas e vanas…
Pòbles, despertatz-vos !
farai un comentari sus una part del titol de l'article
"debat tèsta a tèsta"
me pensi que seria estat melhor d'escriure "debat cap e cap"
Gèli Grande
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari