D’avions israelians ataquèron la matinada de dimenge un centre militar de Damasc, segon çò que confirmèt un naut foncionari del govèrn estatsunidenc a la cadena NBC. Lo centre militar, que foguèt ja bombardat per Israèl lo 30 de genièr passat, aculhiriá un centre de recèrca, un depaus de municions e un magazin de missils.
S’agís del segond atac israelian sus territòri sirian en mens de 24 oras. Las autoritats israelianas an pas confirmat cap dels dos atacs, mas o an fach de fonts diplomaticas e del govèrn dels Estats Units, qu’an dich que l’atac aviá coma objectiu un depaus de missils venent d’Iran e destinats a l’Hizbullah libanés.
Israèl a avertit qualques còps que prendriá las mesuras que considerariá necessàrias per evitar que d’armas quimicas anèsson a l’Hizbullah o als grops de jihadistas que participan a la guèrra de Siria.
Los Estats Units an dich qu’intervendràn pas en aquela guèrra tant que s’emplegarà d’armas quimicas dins lo país.
Lo president dels Estats Units, Barack Obama, a sostengut lo drech d’Israèl de se defendre e d’empedir que l’Hizbullah obtenga d’armament avançat, e mai s’Israèl n’a fòrça.
Parallèlament, pendent la dimenjada, mai de seissanta personas son mòrtas a causa d’un atac contra la vila de Baniyas. Segon l’Observatòri Sirian pels Dreches Umans, aquel atac a obligat de centenats de familhas de fugir; èran mai que mai de sunnitas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
sosteni lo drech d'Israël existència fàcia a ka barbarià e a l'obscurantisme islamista quer sià chiita o sunniita, que se depatololhen entre elei dins aquesta guerra civila de Siria e se l'estat ebrèu enterven, ei per destrurre d'armas, causa que deu agradar en totei lei pacifistas e per ieu, coma tostemps l'an fach a bon drech
"Israèl a avertit qualques còps que
prendriá las mesuras que considerariá
necessàrias per evitar que d’armas
quimicas anèsson a l’Hizbullah"
Mefi, si cau pas mesclar: aqui dins l'ataca israeliena s'agitz de missiles longa distança, pas d'armas quimicas. Israël a tanben parlat de la question dei armas quimicas en d'autreis occasion mai es pas sus aquesta afar. Subretot, si cau pas mesclar embe la question de la "linha rotge" d'Obama (leis armas quimicas), finda se es clar qu'Israël agitz en colaboracion embe l'ostal blanc e lo pentagon.
#1 Mei qu'aquò:
"Los Estats Units an dich qu’intervendràn pas en aquela guèrra tant que s’emplegarà d’armas quimicas dins lo país."
Qu'ei a díser, coma en Iraq.
alavetz, se Israèl avèba "avertit qualques còps que prendriá las mesuras que considerariá necessàrias" e se lo president deus Estats Units, Barack Obama, a sostengut "lo drech d’Israèl (...) d’empedir que l’Hizbullah obtenga d’armament" tot que va plan, non...?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari