Actualitats
Marc Armando penjat dins sa cellula a Marselha
Lo cervèl presumit del grand cambriolatge a la Banca de França a Tolon, en 1992, es estat trobat mòrt dins la preson de Lei Baumetas, doas oras après son admission
Marc Armando, lo cervèl presumit del grand cambriolatge a la Banca de França a Tolon, en 1992, foguèt trobat mòrt divendres passat dins sa cellula de la preson de Lei Baumetas, doas oras après son admission. Se seriá penjat segon una font policièra.
Armando veniá d’èsser extradit dels Païses Basses en vertut d’un mandat europèu liurat pels magistrats Thierry Azéma e Christophe Perruaux, de la Jurisdiccion Interregionala Especializada (JIRS) de Marselha, e foguèt escortat fins a la preson marselhesa de ser.
Lo ministèri public a dobèrt una enquèsta per determinar las circonstàncias exactas de la mòrt.
Armando, dins sos 56 ans, èra perseguit dempuèi junh de 2012 quand lo localizèron a Fòs de Mar (Crau), mentre que fasiá d’immersion sosmarina de nuèch. Preparava en Provença la recepcion, per Rotterdam, d’una torpilha amagada jos un vaissèl e que conteniá 100 quilos de cocaïna.
Armando veniá d’èsser extradit dels Païses Basses en vertut d’un mandat europèu liurat pels magistrats Thierry Azéma e Christophe Perruaux, de la Jurisdiccion Interregionala Especializada (JIRS) de Marselha, e foguèt escortat fins a la preson marselhesa de ser.
Lo ministèri public a dobèrt una enquèsta per determinar las circonstàncias exactas de la mòrt.
Armando, dins sos 56 ans, èra perseguit dempuèi junh de 2012 quand lo localizèron a Fòs de Mar (Crau), mentre que fasiá d’immersion sosmarina de nuèch. Preparava en Provença la recepcion, per Rotterdam, d’una torpilha amagada jos un vaissèl e que conteniá 100 quilos de cocaïna.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari