Qualques cent vint personas manifestèron divendres passat a la gara de Lanjac (Brivadés) per gardar lo tren Cevenòl. Aquela linha de tren que va de Clarmont-Ferrand a Marselha, en tot traversar las Cevenas, patís una degradacion qu’inquieta lo mond.
Qualques quilomètres mai al nòrd, a Briude, se debanèt una autra mobilizacion pauc abans lo passatge del tren de 14h per protestar contra la barradura dels portanèls pendent las dimenjadas, çò que començarà tre lo 1r de junh que ven sus la linha de las Cevenas.
Los manifestants sospièchan que se pren de mesuras per far venir la linha “indesirabla”. O fa pensar la supression de trens, l’abandonament de la mantenença, l’organizacion troncada dels oraris de correspondéncias, o encara la “supression grèva de la continuitat del Cevenòl fins a Marselha” segon Guy Vissac, conselhièr general del canton de Lanjac e conselhièr regional d’Auvèrnhe.
Del sieu costat, Jean-Jacques Faucher, cònsol de Briude, e Jean-Pierre Vigier, deputat del Naut Léger, remembrèron lo ròtle istoric e essencial d’aquel “tren d’equilibri territorial”.
Manifestava tanben lo sindicat dels ferroviaris CGT que soslinhava qu’almens dètz pòstes son en perilh a causa d’un non-renovelament de l’engatjament de l’Estat.
La convencion per manténer lo Cevenòl arribarà a tèrme a la fin de 2013.
Qualques quilomètres mai al nòrd, a Briude, se debanèt una autra mobilizacion pauc abans lo passatge del tren de 14h per protestar contra la barradura dels portanèls pendent las dimenjadas, çò que començarà tre lo 1r de junh que ven sus la linha de las Cevenas.
Los manifestants sospièchan que se pren de mesuras per far venir la linha “indesirabla”. O fa pensar la supression de trens, l’abandonament de la mantenença, l’organizacion troncada dels oraris de correspondéncias, o encara la “supression grèva de la continuitat del Cevenòl fins a Marselha” segon Guy Vissac, conselhièr general del canton de Lanjac e conselhièr regional d’Auvèrnhe.
Del sieu costat, Jean-Jacques Faucher, cònsol de Briude, e Jean-Pierre Vigier, deputat del Naut Léger, remembrèron lo ròtle istoric e essencial d’aquel “tren d’equilibri territorial”.
Manifestava tanben lo sindicat dels ferroviaris CGT que soslinhava qu’almens dètz pòstes son en perilh a causa d’un non-renovelament de l’engatjament de l’Estat.
La convencion per manténer lo Cevenòl arribarà a tèrme a la fin de 2013.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Espiatz la mapa deu malhum deu "Mijorn".
http://les-amis-landais-des-chemins-de-fer.over-blog.com
N'èra pas ua aventura per desplaçà's en tren capvath Gasconha tota e autas regions occitanas.
De rapelar que, dens las annadas 1950 e mei tard, los ensais de grana vitessa estoren hèits sus la linha de Bordèu a Dacs.
Observatz los imatges d'abandon de mantuas garas de Gasconha. Que hè saunejar...
Lo sol biais de servar lo tren occitan es d'aver la 'Compagnie du Midi' tornada ! Al moment de la nacionalizacion, es de dire l'estatalizacion, los salaris dels chaminaires de la Compagnie du Midi èran mai bèls que los del nòrd, e èran sindicalizats, mai qu'al nòrd ; e las tecnologia emplegada èran de naut nivèl mai qu'a Lyon o Paris. La 'nacionalizacion' es estada una catastròfa pels sindicats de la Compagnie du Midi (agradiu pels sindicats del mercat-Estat-nacion frnacés) e per l'economia occitana. Los qu'i an ganhat son una elita de las grandas escòlas qu'i an trapat un jobs ben pagat e parisenc sense davalar en region. La data d'aquela catastròfa es 1936, es plan una catastròfa industriala per Occitània, contrariament a çò que podèm legir dins la propaganda republicana donada dions las escòlas ditas publicas, gratuïtas e laïcas, las escòlas del 'sant' e colonialista Jules Ferry.
Ai trabalhat pendent 12 ans per una entrepresa del grope, creada aprèp 1950 pels migrants d'Argèria, e las mudasons importantas d'aquel temps ; lo site de Pau e Baiona an vist passar lo PDG pel primièr còp de l'entrepresa filiala (una entrepresa de sonque 2000 personas a l'epòca), un còp dins la vida dels sites e de l'entrepresa ! (en quasiment 50 annadas, i son jamai tornat un sol còp abans la barradura dètz aprèp). La SNCF e lo grope SNCF es sonque una maquina a engraissar los comptes d'Estat centralista francés, lo ròtle de servici public es sonque suls lindals dels discors e maisons vièlhas dels gropes, aquelas que son pas encara estadas vendudas per RFF.
La SNCF es una entrepresa dangierosa economicament per Occitània, e pas simplament per las pichonas linhas.
Es pas complicat, aquela linha a practicament disparegut del siti SNCF.com. Se volètz faire lo viatge d'Auvèrnha a Marselha, lo siti vos vendrà un bilhèt per Lion o Tolosa, quitament s'es mai long. Viatjar per aquelas linhas pichonas es vengut un acte militant.
Crèsi que lo projècte de lei decentralizacion prevei de fisar a las regions d'unas linhas pichonas. Es una oportunitat de revitalizar lo Cevenòl coma una linha interregionala. Sens oblidar lo projècte de faire classificar aquela linha subrebèla al patrimòni mondial de l'UNESCO. Seguir lo Cevenòl es un espectacle grandàs.
L'SNCF o fa tot per descoratjar las gents de prene lo tren ... subretot per las linhas que vòlon far barrar. E aquò's çò melhor per i arribar de tot biais. Aquela linha de las Cevenas es fòrça polida e demòra indispensabla per las gents que demòran entre Clarmont e Nimes. Son d'endreches que lo Servici Public (d'Estat o pas ...) fa tan sofracha !! Aquela linha es indispensabla per desenclavar aqueles territòris occitans. La regionalizacion dels camins de fèrre a mai que mai "abocinat" los viatges entre Nimes e Clarmont fins ara. Cal cambiar mai d'un còp de tren ... o prene lo bus (SNCF "A nous de vous faire préférer le train" çò disián).
Cresi que l'occitanisme auriá tant interès a se mobilizar al sicut d'aquelas linhas amenaçadas. Batestar contra los projèctes de LGV ... benlèu, mas se val mai bolegar per servar aquelas linhas que l'Estat vòl far plegar. E cal demandar subretot un projècte d'ambicion per aquela linha de las Cevenas. Si que non, lo tren del Cevenòl acabarà coma l'Aubrac (que fasiá lo viatge entre Besièrs e París Gara de Lion en passant per Milhau e Clarmont), qualques annadas i a.
GARDAREM LO CEVENÒL !
http://www.defense-promotion-cevenol.fr/site/
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari