Actualitats
Brasil: an enebit que los jornalistas cobriscan una protèsta indigèna contra las centralas idroelectricas
Dos jornalistas foguèron expulsats e un tresen foguèt multat per informar sus l’ocupacion del sit idroelectric de Belo Monte
Lo Jorn Internacional de la Libertat de Premsa, tres reportaires foguèron empedits de realizar la cobertura jornalistica de l’ocupacion del chantièr de la fabrica idroelectrica Belo Monte, lo divendres 3 de mai, dins l’estat de Pará, en Brasil. Dos d’eles foguèron fòrabandits per aperaquí cent òmes de divèrses còrses policièrs, e un tresen foguèt multat amb mila reals (aperaquí 380 èuros). Un activista foguèt tanben expulsat del chantièr.
Fasiá tres jorns que 200 indigènas aperaquí, pertanhent a uèch pòbles tocats per la construccion de las centralas idroelectricas suls flumes Xingu, Tapajós e Teles Pires, ocupavan lo principal chantièr del barratge, lo sit de Belo Monte, en exigissent que las òbras foguèsson suspendudas fins que lo govèrn federal de Brasil los escotèsse.
Aquel divendres, la justícia federala desestimèt una demanda d’expulsion facha per l’entrepresa Norte Energia contra los indigènas. Ça que la, lo Consòrci Constructor Belo Monte (CCBM) demandèt tanben a la justícia de l’estat que prononcièsse una expulsion contra los non-indigènas qu’èran dins lo chantièr. La jutgessa Cristina Sandoval Collier acceptèt la demanda que menèt a l’expulsion de dos jornalistas e a la multa del tresen.
Los tres jornalistas —lo fotograf de Reuters, Lunaé Parracho, lo jornalista del Conselh Indigenista Missionari, Ruy Sposati, e lo correspondent de Radio France Internationale (RFI) en Brasil, François Cardona— avián realizat la cobertura jornalièra dels eveniments que se debanavan a prepaus de l’accion dels indigènas contra lo bastiment de grands barratges qu’afèctan los lors territòris. RFI publiquèt dissabte passat un reportatge sus l’expulsion que patiguèt son correspondent.
Censura
“Aquela decision es absoludament sens cap de sens”, çò ditz l’avocat de la Societat de l’Estat de Pará dels Dreches Umans (SDDH), Sérgio Martins. “Es tecnicament inconsistenta. I a un dotzenat de procèsses aicí coma aquò. Es coma se tota justificacion de la CCBM sufiguèsse per acceptar qué que siá de favorable a eles”, çò apondiá.
L’SDDH intrarà amb una accion en exigissent que se garentisca l’accès dels jornalistas a l’endrech de l’ocupacion.
Perilh
Dins lor letra de dissabte 4, los indigènas qu’ocupan lo chantièr mostrèron lor chepic per l’enebiment de la premsa locala. Segon lor document, “la cobertura jornalistica nos ajuda fòrça a transmetre la nòstra votz pel Mond”.
“La nòstra protèsta es pacifica. Demandam d’èsser escotats. Perqué vòlon pas los jornalistas aicí?”, se demanda lo guerrièr Valdenir Munduruku. “Se quicòm se passèse, la responsabilitat seriá del govèrn”.
Ruy Sposati e Lunaé Parracho
_____
Mai d’informacion: 50 lecturas sus l’ecocidi de Belo Monte: part 1, part 2.
Fasiá tres jorns que 200 indigènas aperaquí, pertanhent a uèch pòbles tocats per la construccion de las centralas idroelectricas suls flumes Xingu, Tapajós e Teles Pires, ocupavan lo principal chantièr del barratge, lo sit de Belo Monte, en exigissent que las òbras foguèsson suspendudas fins que lo govèrn federal de Brasil los escotèsse.
Aquel divendres, la justícia federala desestimèt una demanda d’expulsion facha per l’entrepresa Norte Energia contra los indigènas. Ça que la, lo Consòrci Constructor Belo Monte (CCBM) demandèt tanben a la justícia de l’estat que prononcièsse una expulsion contra los non-indigènas qu’èran dins lo chantièr. La jutgessa Cristina Sandoval Collier acceptèt la demanda que menèt a l’expulsion de dos jornalistas e a la multa del tresen.
Los tres jornalistas —lo fotograf de Reuters, Lunaé Parracho, lo jornalista del Conselh Indigenista Missionari, Ruy Sposati, e lo correspondent de Radio France Internationale (RFI) en Brasil, François Cardona— avián realizat la cobertura jornalièra dels eveniments que se debanavan a prepaus de l’accion dels indigènas contra lo bastiment de grands barratges qu’afèctan los lors territòris. RFI publiquèt dissabte passat un reportatge sus l’expulsion que patiguèt son correspondent.
Censura
“Aquela decision es absoludament sens cap de sens”, çò ditz l’avocat de la Societat de l’Estat de Pará dels Dreches Umans (SDDH), Sérgio Martins. “Es tecnicament inconsistenta. I a un dotzenat de procèsses aicí coma aquò. Es coma se tota justificacion de la CCBM sufiguèsse per acceptar qué que siá de favorable a eles”, çò apondiá.
L’SDDH intrarà amb una accion en exigissent que se garentisca l’accès dels jornalistas a l’endrech de l’ocupacion.
Perilh
Dins lor letra de dissabte 4, los indigènas qu’ocupan lo chantièr mostrèron lor chepic per l’enebiment de la premsa locala. Segon lor document, “la cobertura jornalistica nos ajuda fòrça a transmetre la nòstra votz pel Mond”.
“La nòstra protèsta es pacifica. Demandam d’èsser escotats. Perqué vòlon pas los jornalistas aicí?”, se demanda lo guerrièr Valdenir Munduruku. “Se quicòm se passèse, la responsabilitat seriá del govèrn”.
Ruy Sposati e Lunaé Parracho
_____
Mai d’informacion: 50 lecturas sus l’ecocidi de Belo Monte: part 1, part 2.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'estat brasileira qu'ei man dens la man dab lo FMI e los capitalistas. Qu'ei aquesta esquèrra que hè la modernisacion deu capitalisme dens tots l'estat. Lo federalisme dens un sistèmi capitalista ne garatia pas mei de democracia. Los estats federats deu brasil que son dirigit peus politics corromputs e ligats dab los latifundaristas que dirigan los pais de 'l'interior' dab violència contra aus indiòs e aus paisans pobres (5 millions de familhas n'on pas accès a la tèrra). Lo brasil dab un recensament orientadas que crea ua imatge d'un pais hèra urban mès a vertat qu'i a 40 millions de paisans au Brasil. Los projècts com belo monte que son l'occasion de desvelopar la resorgas minèras protegidas dinc a adara dens los territòrios indiòs. Qu'i a lo projèct d'ua mina d'or dinc a costat deu barratge. Lo pior deu cinisme ei que l'estat brasileiro que va receber de la banca mondiau ua ajuda porqué un barratge qu'ei ua causa ecòlogica. Los autonomistas o regionalistas occitanistas que deveré tira de la loa cara lo hèit qu'un pais decentralizada qu'ei egau a mei de democracia, que pòt estar tambem pior. N'i a pas d'uniformacion u nivèth de las leis per exemple sus la santat e pas mau d'autes causes. Los servicis publics que son tots pagant, qu'ei lo camin deu combattant tà har papèrs.
Tots qu'ei hèit au Brasil per l'exportacion, qu'i a hèra de causa que son menos caro en euròpa mès que vien deu brasil. Lo pais qu'ei dirigit per ua borgèsia capitalista buròcratica sosmèsa aus interèts imperialistas occidentaus on tot qu'ei orientado per aquò. Belo monte e tots los autes projècts deu PAC que son atau. E o govern federau canta victòria!
E plan segur los indiòs que son un pichòta pièra suu camin deu desvelopament accelerat deu brasil, mès la resistència s'organiza!
Dèvon ren èsser fieròts de ce que fan aquels brasiliers, per far tant d'escondons...
Brasil : un Estat federal e d'esquèrra me sembla, non ? Quí me pòs confirmar las potencialas accions d'un Estat federal sobre los poders federats ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari