Actualitats
Almens 40 mòrts quand doas veituras espetèron dins la vila turca de Reyhanlı, a la termièra amb Siria
Lo govèrn turc afirma que l’atemptat l’an preparat los servicis secrets sirians. Damasc o nega categoricament. An arrestat 9 personas, son totes de ciutadans turcs
Almens 40 personas son mòrtas e un centenat son estadas feridas en l’explosion de doas veituras, dissabte passat, dins la vila de Reyhanlı, dins lo sud de Turquia, a la frontièra amb Siria e près de la Mediterranèa.
Lo primièr ministre turc, Recep Tayyip Erdoğan, raportèt aquel bilanç de victimas dins un discors televisat en tot apondre que “lo nombre de ferits critics es fòrça naut, çò que pòt far que lo nombre de mòrts aumente”.
La polícia turca a arrestat nòu personas suspèctas d’aver participat a l’atemptat, totas elas essent de ciudatans turcs.
Segon lo Ministèri de l’Interior, los detenguts serián restacats a un grop que depend dels servicis d’intelligéncia sirians. De fach, Turquia manten la tèsi que los servicis secrets del govèrn sirian de Bashshar Al Asad preparèron lo masèl.
Per contra, lo ministre de l’Informacion sirian, Umran Az Zubi, diguèt en una conferéncia de premsa que lo govèrn sirian a pas res a veire amb aquò. Az Zubi respondèt net e clar: “Turquia a pas cap de drech de difondre d’acusacions contra Siria”.
Segon lo ministre, çò que se passèt dissabte en Turquia “es de la responsabilitat del sieu govèrn”. De fach, a quitament demandat que lo primièr ministre turc, Recep Tayyip Erdoğan, demissione “perque a pas drech de bastir sa glòria amb lo sang de turcs e de sirians”.
Az Zubi afirmèt que lo govèrn d’Ankara a convertit las zònas frontalièras en “centre del terrorisme internacional”, en facilitar l’arribada d’armas, d’explosius, de veïculs, d’argent e de combatents vèrs Siria.
Turquia acuèlh mai de 300 000 refugiats sirians. La majoritat d’eles son dins de campaments plaçats long dels 900 quilomètres de frontièra. La vila de Reyhanlı es fòrça près del pas frontalièr de Cilvegözü. En febrièr passat, una autra veitura espetèt en provocant la mòrt de catòrze personas.
Lo primièr ministre turc, Recep Tayyip Erdoğan, raportèt aquel bilanç de victimas dins un discors televisat en tot apondre que “lo nombre de ferits critics es fòrça naut, çò que pòt far que lo nombre de mòrts aumente”.
La polícia turca a arrestat nòu personas suspèctas d’aver participat a l’atemptat, totas elas essent de ciudatans turcs.
Segon lo Ministèri de l’Interior, los detenguts serián restacats a un grop que depend dels servicis d’intelligéncia sirians. De fach, Turquia manten la tèsi que los servicis secrets del govèrn sirian de Bashshar Al Asad preparèron lo masèl.
Per contra, lo ministre de l’Informacion sirian, Umran Az Zubi, diguèt en una conferéncia de premsa que lo govèrn sirian a pas res a veire amb aquò. Az Zubi respondèt net e clar: “Turquia a pas cap de drech de difondre d’acusacions contra Siria”.
Segon lo ministre, çò que se passèt dissabte en Turquia “es de la responsabilitat del sieu govèrn”. De fach, a quitament demandat que lo primièr ministre turc, Recep Tayyip Erdoğan, demissione “perque a pas drech de bastir sa glòria amb lo sang de turcs e de sirians”.
Az Zubi afirmèt que lo govèrn d’Ankara a convertit las zònas frontalièras en “centre del terrorisme internacional”, en facilitar l’arribada d’armas, d’explosius, de veïculs, d’argent e de combatents vèrs Siria.
Turquia acuèlh mai de 300 000 refugiats sirians. La majoritat d’eles son dins de campaments plaçats long dels 900 quilomètres de frontièra. La vila de Reyhanlı es fòrça près del pas frontalièr de Cilvegözü. En febrièr passat, una autra veitura espetèt en provocant la mòrt de catòrze personas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Qualques annadas a, la republica trampalejèt per un accent que voliá pas metre sus lo i de Martí, qu'èra lo nom d'un nenon de Perpinhan. I a pas a dire, aquela republica malauteja.
#2
Medamne Bourdon!
Qu'es lo primièr còp que vos legissi emplegar lo mot "franchimand"!
Qué vos arriba?
;-)
#1 Un franchimand monolingüe ne ved pas nada diferéncia enter ua i e ua i, totun. E que's sent tostemps obligat de hicar los punts sus las i-s :))))
Reyhanlı escrich en respectar l'ortografa turca mentre que tota la premsa franchimanda ajusta lo punt sul "i" ambe desinvoltura. Revelator.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari