Un pichon grop d’abitants de La Plèu, Sorçac (Dordonha Lemosina) e de Clergós (País de Tula) se son mobilizats per protestar contra lo bruch dels avions de combat.
Aquel bruch es provocat pels exercicis d’entraïnament de l’armada de l’aire francesa, que sos avions subrevòlan Sentria, lo País de Tula e la Dordonha Lemosina. De còps arriban tanben sul País d’Usercha.
Los testimoniatges dels vesins mobilizats parlan clar. “Daus còps ai l’impression de veire lo casco dau pilòt, tant vòla bas”; “Los bruchs son espaventós per los enfants”; “Passan fòrça près de la cima daus arbres”; “Avèm la sensacion d’aver un auratge fissonaire sus nòstras tèstas”, çò dison qualques vesins a La Montagne.
Pels abitants de La Plèu, Sorçac e Clergós, aquò passa l’òsca. Fa qualque temps que los avions subrevòlan cinc jorns per setmana mentre qu’abans, passavan al maxim un còp per setmana. “Las maufasenças ocasionadas dependon daus jorns, generalament s’arrèstan la dimenjada, mas en setmana pòdon començar a 10h30 e contunhar dusca a 18h00. Los exercicis s’efectuan daus còps de nuech tanplan”, çò declarava a La Montagne Yves Masson, un dels vesins afectats.
Del sieu costat, Émilia Faroux disiá al jornal montanhòl d’expression francesa qu’a lo sentiment que las nòrmas son pas respectadas. “Vòle ben tolerar lor exercici mas que respècten las reglamentacions. Daus còps, los auvissèm pas arribar, passan talament bas qu’aquò fai tremolar los murs”.
Per Franck Charenton, “Sèm un pauc Dòn Quishòt que se vai batre contra los molins de vent. Mas nos chau sensibilizar l’opinion publica per que d’autras personas nos jonhan”.
Aquel bruch es provocat pels exercicis d’entraïnament de l’armada de l’aire francesa, que sos avions subrevòlan Sentria, lo País de Tula e la Dordonha Lemosina. De còps arriban tanben sul País d’Usercha.
Los testimoniatges dels vesins mobilizats parlan clar. “Daus còps ai l’impression de veire lo casco dau pilòt, tant vòla bas”; “Los bruchs son espaventós per los enfants”; “Passan fòrça près de la cima daus arbres”; “Avèm la sensacion d’aver un auratge fissonaire sus nòstras tèstas”, çò dison qualques vesins a La Montagne.
Pels abitants de La Plèu, Sorçac e Clergós, aquò passa l’òsca. Fa qualque temps que los avions subrevòlan cinc jorns per setmana mentre qu’abans, passavan al maxim un còp per setmana. “Las maufasenças ocasionadas dependon daus jorns, generalament s’arrèstan la dimenjada, mas en setmana pòdon començar a 10h30 e contunhar dusca a 18h00. Los exercicis s’efectuan daus còps de nuech tanplan”, çò declarava a La Montagne Yves Masson, un dels vesins afectats.
Del sieu costat, Émilia Faroux disiá al jornal montanhòl d’expression francesa qu’a lo sentiment que las nòrmas son pas respectadas. “Vòle ben tolerar lor exercici mas que respècten las reglamentacions. Daus còps, los auvissèm pas arribar, passan talament bas qu’aquò fai tremolar los murs”.
Per Franck Charenton, “Sèm un pauc Dòn Quishòt que se vai batre contra los molins de vent. Mas nos chau sensibilizar l’opinion publica per que d’autras personas nos jonhan”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari