Actualitats
Los candidats a la presidéncia de França clavan las lors campanhas en Occitània
François Bayrou decidís de far "la causida de François Hollande"
Los candidats a la presidéncia de França, François Hollande e Nicolas Sarkozy, an celebrat arser los sieus darrièrs grands acamps de la campanha. Lo socialista manten l'avantatge dins los sondatges, e mai lo candidat conservador e president sortent siá convencut que pòt encara ganhar.
Malgrat que la campanha acabarà anuèch, los dos candidats an celebrat arser los sieus acamps finals de campanha en Occitània. Hollande a fach lo sieu a Tolosa e Sarkozy l'a fach a Tolon.
Cal dire que los resultats del primièr torn a Tolosa foguèron estrambordants, amb un vòte mai esquerrista: 34,44% per François Hollande, 23,12% per Nicolas Sarkozy, 15,91% per Jean-Luc Mélenchon, entre los autres. Per contra Tolon balhèt 32,21% dels vòtes a Sarkozy, 23,37% a Marine Le Pen e 22,98 a François Hollande.
Bayrou votarà Hollande "a títol personal"
Lo candidat socialista, favorit segon las enquèstas, recebèt arser un nòu impuls. Lo centrista François Bayrou anoncièt que votarà Hollande "a títol personal" mas "dona pas cap de consigna de vòte" als electors del MoDem. E mai se Bayrou, dins lo passat, a fach partida de govèrns conservadors, a justificat aquela decision: "Soi e serai pas un òme d'esquèrra, soi un òme de centre".
Lo candidat biarnés vòl atal punir Sarkozy per la siá "fugida cap a l'extrèma drecha, violéncia e obsession per l'immigracion" e tanplan pel "restabliment de las frontièras qu'es incompatible amb las valors del centre". "Pòdi pas votar blanc, aquò seriá d'indecision, me demòra solament de votar Hollande e es la causida que fau" a ajustat lo candidat del MoDem.
Lo candidat biarnés vòl atal punir Sarkozy per la siá "fugida cap a l'extrèma drecha, violéncia e obsession per l'immigracion" e tanplan pel "restabliment de las frontièras qu'es incompatible amb las valors del centre". "Pòdi pas votar blanc, aquò seriá d'indecision, me demòra solament de votar Hollande e es la causida que fau" a ajustat lo candidat del MoDem.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo Capitòli plen de monde per suportar Hollande. Avèm pas de disputas de chifras aqueste còp? Una capitolada per sosténer l'occitan nos val 30 000 participants. Una capitolada per lo Melanchon nos fa 70 000 -e mai encara pels afogats. Sabi pas amb aquò se los d'Anèm òc son tròp grasses o se los melanchonistas son tròp magres. E los socialistas, alara, just al mitan?
Los que podon pas amagar que son pas nombroses son los sakosistas que las fotòs de Tolon daissan veire prosses clars coma sus lo cap de l'Hortefeux, pecaire! Bè, digas! plorarèm pas per aquò!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari