La polícia francesa cèrca intensament una drolleta de cinc ans que desapareguèt dimenge passat mentre que jogava dins lo Pargue de Montjuset de Clarmont-Ferrand (Limanha).
Las oras passan e lo chepic aumenta. Una fòto de la drollichona e una crida per trobar de possibles testimònis son estadas lançadas per la polícia e circulan per totes los mèdias de l’estat e pels rets socials.
La drolleta, nomenada Fiona, anèt jogar al Pargue de Montjuset amb sa maire e sa petita sòr, de dos ans e mièg. Foguèt justament la maire que donèt l’alèrta, quand subitament vegèt pas mai sa filha, e a 18h45 ne denoncièt la desaparicion.
Fiona, la mainada desapareguda, a 5 ans, es blonda, fa 1 mètre 10 de naut e es abilhada amb un vestit negre d’Hello Kitty, segon las referéncias de la polícia.
A l’ora d’ara, lo sol indici es una piada de la petita identificada per las unitats policièras de cans.
Lo jornal La Montagne es a ne publicar d’informacions actualizadas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari