Lo dissabte 25 de mai, tre 10h e fins a 13h, la Calandreta del País Sud-Tolosan fa una jornada de pòrtas dobèrtas. La direccion e tota la còla pedagogica aculhiràn los parents que vesiten lo centre, e facilitaràn tota l’informacion necessària per que las familhas interessadas conescan de primièra man los objectius e la metodologia pedagogica d’aquela escòla occitana.

Aquela Calandreta, coma las autras Calandretas escampilhadas per tota Occitània, es una escòla laïca associativa, qu’a un contracte amb l’Estat, qu’emplega la lenga occitana coma lenga veïculara sul programa educatiu fixat pel Ministèri de l’Educacion de França. La relacion entre los professors e las familhas es fòrça estrecha, e los parents se pòdon engatjar dins lo projècte fins ont voldràn. De mai, cada Calandreta a una estrecha relacion amb son entorn immediat, e aital la coneissença de la realitat prèpa e l’engatjament dels escolans amb l’entorn son plan nauts.
 
La Calandreta del País Sud-Tolosan acuèlh 13 escolans e es associada a la Federacion de las Calandretas de Nauta Garona. La Calandreta es plaçada al numèro 35 de l’Avenguda de Lauragués, a Santa Gabèla (Agarnagués), e pel cors 2013-2014, i a de plaças per d’enfants dins totas las seccions, es a dire per los que son nascuts en 2011, 2010, 2009 e 2008. Mai d’informacions al telefòn: +33 (0)6 22 65 44 82.