Actualitats
Los servicis secrets espanhòls an demandat l’expulsion del president de l’Espaci Catalanomarroquin
S’agís d’un activista per l’integracion dels immigrants e d’un partisan de l’independéncia de Catalonha
Lo Centre Nacional de l’Intelligéncia (CNI), valent a dire los servicis secrets de l’estat espanhòl, a demandat l’expulsion d’Espanha de Noureddine Ziani, lo president de l’Espaci Catalanomarroquin de la Fondacion Nòus Catalans, un organisme pròche Convergéncia Democratica de Catalonha, lo partit del president Artur Mas.
Segon lo CNI, Ziani trabalha pels servicis secrets de Marròc e fa perilhar la seguretat de l’Estat espanhòl en fomentant lo radicalisme islamic.
L’acusacion e las pròvas son ridiculas. Lo CNI se basa sonque sus un document de quatre paginas ont “es pas ges clar ni cossí, ni ont, ni de quina faiçon atempta contra l’òrdre public”, çò diguèt son avocata, Fàtima Zohra. “I a manca de pròvas e de rasons”, çò apondèt. De fach, lo quite CNI a admés que Noureddine Ziani a pas cap d’antecedent policièr.
Lo govèrn de Catalonha a mostrat son sosten a Ziani
Expulsat d’Espanha per voler l’independéncia de Catalonha, segon l’ANC
Del sieu costat, l’organizacion independentista Assemblada Nacionala Catalana (ANC) a denonciat que la percaça de Ziani es “una accion arbitrària” e mòstra un “absolut abús de poder”.
“Se las autoritats espanhòlas presentan pas las pròvas sollicitadas per la part defensora del cas, o s’aquelas pròvas resultan pas convenceiras, l’estat espanhòl agirà amb un procediment arbitrari e en abús de poder, çò que nos farà conclure que s’agís de motius non juridics mas politics, pr’amor de l’activisme de Noureddine Ziani en defensa de l’independéncia de Catalonha”, çò conclutz l’ANC.
D’autras percaças
D’autras percaças se son menadas a tèrme. De directors e professors catalans de qualques delegacions internacionalas de l’Institut Cervantes an anonciat que lor contracte serà pas renovat pr’amor que son partisans de l’independéncia de Catalonha.
Totas aquelas percaças seguisson la de Clara Ponsatí, professora d’una cadièra espanhòla de l’Universitat de Georgetown, als Estats Units. Ponsatí aprenguèt en abril passat que son contracte seriá pas renovelat. Ponsatí denoncièt que s’agissiá de “censura” del Ministèri de l’Educacion espanhòl perque ela es partisana del drech dels catalans de decidir lor avenir.
Segon lo CNI, Ziani trabalha pels servicis secrets de Marròc e fa perilhar la seguretat de l’Estat espanhòl en fomentant lo radicalisme islamic.
L’acusacion e las pròvas son ridiculas. Lo CNI se basa sonque sus un document de quatre paginas ont “es pas ges clar ni cossí, ni ont, ni de quina faiçon atempta contra l’òrdre public”, çò diguèt son avocata, Fàtima Zohra. “I a manca de pròvas e de rasons”, çò apondèt. De fach, lo quite CNI a admés que Noureddine Ziani a pas cap d’antecedent policièr.
Lo govèrn de Catalonha a mostrat son sosten a Ziani
Expulsat d’Espanha per voler l’independéncia de Catalonha, segon l’ANC
Del sieu costat, l’organizacion independentista Assemblada Nacionala Catalana (ANC) a denonciat que la percaça de Ziani es “una accion arbitrària” e mòstra un “absolut abús de poder”.
“Se las autoritats espanhòlas presentan pas las pròvas sollicitadas per la part defensora del cas, o s’aquelas pròvas resultan pas convenceiras, l’estat espanhòl agirà amb un procediment arbitrari e en abús de poder, çò que nos farà conclure que s’agís de motius non juridics mas politics, pr’amor de l’activisme de Noureddine Ziani en defensa de l’independéncia de Catalonha”, çò conclutz l’ANC.
D’autras percaças
D’autras percaças se son menadas a tèrme. De directors e professors catalans de qualques delegacions internacionalas de l’Institut Cervantes an anonciat que lor contracte serà pas renovat pr’amor que son partisans de l’independéncia de Catalonha.
Totas aquelas percaças seguisson la de Clara Ponsatí, professora d’una cadièra espanhòla de l’Universitat de Georgetown, als Estats Units. Ponsatí aprenguèt en abril passat que son contracte seriá pas renovelat. Ponsatí denoncièt que s’agissiá de “censura” del Ministèri de l’Educacion espanhòl perque ela es partisana del drech dels catalans de decidir lor avenir.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Es pas impossible, mas qui se fisa de El País ara? S'es tornat un jornal nacionalista espanhòl e fot defòra los jornalistas o cronicaires amb un pauc de personalitat. A! aquò segur, gardarà los Vargas Llosa et Bernard Henri Lévy. Per eles sempre aurà de dardenas.
Adixatz a tots,qu'èi leguit un article sus eth jornal eth pais e que sembla qu'aqueth òmi qu'estè hòrabandit per activitats salafistas .
Urosament que los castelhans son pas al fil qu'existe un Servici de Rensenhament Intèrn e Extèrn per Occitània (SRIEO)...
Si ei que lo govern marroquin tambe ei ETA :-p
#1 Los bascs desguisats en islamistas e los islamistas desguisats en catalanistas... Qu'es complicat lo terrorisme en Espanha !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari