Actualitats
La violéncia dels ultras del PSG es una protèsta contra Qatar Sports Investments segon Le Monde
La celebracion de la victòria del PSG a la liga de fotbòl daissèt de desenats de ferits e fòrça degalhs al centre de París
Los suportaires del París Saint-Germain (PSG) festegèron diluns la victòria a la liga francesa de fotbòl dins la Plaça del Trocadero de París. La celebracion s’acabèt amb de susmautas grèvas e de desenats de ferits a causa d’afrontaments entre los suportaires e los policièrs. Segon çò que publiquèt ièr lo jornal Le Monde, la violéncia dels ultras del PSG se dirigissiá contra los proprietaris del club, en mans de Qatar Sports Investments.
Los dirigents qataritas del club an aumentat las cotizacions dels sòcis e dels abonaments per assistir a las partidas e an redistribuit la posicion de las tribunas familialas e de las seccions de grasas de l’estadi. Aquelas decisions an provocat los ultras que se considèran fòrça prejudicats.
Lo maximal dirigent del fotbòl francés, Frédéric Thiriez, a demandat excusa e a assumit la responsabilitat dels incidents. Thiriez foguèt responsable per decidir de menar la celebracion al centre vila. Los incidents provoquèron de degalhs a un fum de botigas e al mobilièr urban. Res a veire amb las celebracions de l’an passat a Montpelhièr.
Los dirigents qataritas del club an aumentat las cotizacions dels sòcis e dels abonaments per assistir a las partidas e an redistribuit la posicion de las tribunas familialas e de las seccions de grasas de l’estadi. Aquelas decisions an provocat los ultras que se considèran fòrça prejudicats.
Lo maximal dirigent del fotbòl francés, Frédéric Thiriez, a demandat excusa e a assumit la responsabilitat dels incidents. Thiriez foguèt responsable per decidir de menar la celebracion al centre vila. Los incidents provoquèron de degalhs a un fum de botigas e al mobilièr urban. Res a veire amb las celebracions de l’an passat a Montpelhièr.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#12 Òc, l'aguèt de rambalh sus la fin de la jornada, quora tot èra acabat despuei un moment e que lo bus de l'OM èra ja partit. Lei jogaires posquèron desfiular tota la jornada e presentar lo trofèu ai suportaires despuei l'ostau de la comuna SENSA GES D'INCIDENT davans au mens 60000 personas quand l'avia solament 10 a 15000 per Paris, ciutat la mai gròssa d'Euròpa.
Lei parisencs posquèron pas manco demorar 5 minutas sus lo pontin qu'èra ja lo oai complet.
Fin finala, la soleta marrida fé que liegi es la tieuna, que gausa comparar una fèsta que se debanèt tota una jornada amb la mascarada parisenca e metre aquò au mesme nivèu. La mesma marrida fe costumiera deis afogats d'aqueu club d'arlèri. Fa plaser de veire que leis occitans son pas espranhats.
#10
E alara, de videòs per aver de "pròvas", n'i a fòrça ! E sus aquelas videòs, vesètz de joves originaris del 5en ? http://www.youtube.com/watch?v=EJkBMTf_4XY
Aquela d'aquí es la mai polida: http://www.youtube.com/watch?feature=player_embedded&v=CLvtwTIxwSY Excusatz-me, soi bensai pas pron dins l'esperit "les Orients d'Occitanie" mas bon vaquí los faches ...
#9
E quand l'OM festegèt son títol de campion en 2010 ? Tot se debanèt plan ? Seriatz pas de marrida fe un pauc ?
http://www.20minutes.fr/sport/football/404612-incidents-gachent-fete-titre-a-marseille
Adixatz a tots qu'èi dit aquerò pormor que coneixi era region parisenca qu'i èi viscut ,eth monde que viu en aquèras banlegas qu'an paur aquèrò qu'ei ua vertat mès que'vs voleri diser vosautis quin apèratz monde de qui panan ,qui copan eras veirinas deths magasin,qui creman eras autðs,qui pampan eths policiers lhèu entà vosautis que son petits anjos .
Disètz que los descaladaires de Paris èran "mai que mai de jovenòts de banlègas qu'o faguèron tot petar" e "de categoria baixa sense fe ni lei". Mai que ne sabètz?
Dire de causas atala a 8oo km de distancia per que las avètz vista a la TV, a la fresca, tafanari dins cadiera, a chucar los glaçons dau pastagás aprèp una partida de petanca, e bé aquò, fa pas avançar las causas...
#8 Siau en plen d'acòrdi am tu per dire qu'es pas un subjècte fondamentau sas. Ieu respondieu puslèu a Teiriç. Per ieu es pas un eveniment ultralocalista francés. Es un eveniment, au contrari que mòstra l'estima que d'uneis estatjants de la capitala francesa e de son club d'espòrt pòdon aver per la vila que li siau naissut e que, miracle, es occitana.
Tot aquò que pòu tanben èstre mes en comparason amb lei celebracions dei titols de campions a Marselha, Bordèu ò Montpelhier recentament...
Aquò nos mòstra lo benestar qu'an lei gents que vivon dins nòstra miraclosa capitala, mirau de la cultura francesa...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari