La lenga còrsa, e mai s’es emplegada en la senhaletica e es ensenhada dins qualques escòlas de l’isla de Corsega, es pas reconeguda oficialament per l’estat francés. De fach, l’estat reconeis sonque lo francés coma lenga oficiala. Mas aquò pòt començar a cambiar tre ara que s’es aprovada una proposicion de cooficilitat elaborada per Pierre Ghionga, president del Conselh de la Lenga Còrsa, a l’Assemblada de Corsega. La session de dijòus passat se deviá far lo 25 d’abril, mas se suspenec pr’amor de l’assassinat del president del Pargue Natural Regional, Jean-Luc Chiappini.
 
Lo tèxt presentat pel president del Conselh de la Lenga Còrsa, un organisme creat per la Collectivitat Territoriala de Corsega lo 2005 e votat per l’Assemblada de Corsega en genièr del 2007, prevei l’usatge dels còrs dins las escòlas e en las relacions amb l’administracion publica.
 
L’aprobacion de l’estatut a capitat l’unanimitat dels membres de l’Assemblada presents a l’ora de la votacion: 36 an sostengut a la comparason legala dels còrs e del francés, del temps qu’11 an pas volgut participar al vòte e 4 n’èran absents –aqueles 15 deputats apertenon a l’oposicion de drecha e a una pichona fraccion del PS.
 
Ghionga esperava una “majoritat fòrta” en favor de la proposicion a la votacion, pr’amor que fa dos ans trenta sièis deputats votèron una mocion que se manifestava favorabla a un eventual estatut de cooficilitat. Ara manca reformar la constitucion francesa perque la cooficilitat pòsca intrar en vigor.