Dissabte passat intrèt en vigor dins l’Estat francés la lei sul maridatge per totes que vendrà realitat a partir d’aqueste mes. La comuna de Montpelhièr a facilitat sul pic totes los mecanismes d’aplicacion de la nòva lei per que las primièras nòças se debanen dins la vila occitana abans la fin del mes.
De fach, la primièra nòça omosexuala del país, e quitament de l’estat, se debanarà al Clapàs lo 29 de mai que ven. Los protagonistas seràn Vincent Autin, president d’LGBT Montpelhièr-Lengadòc-Rosselhon, e son companhon Bruno.
Lo tèxt legislatiu promulgat per François Hollande foguèt publicat pel Jornal Oficial l’endeman que lo Conselh Constitucional li donèsse son aprobacion plenament, contra l’esperança de l’UMP qu’aviá fach un recors.
Lo cap de l’Estat aviá anonciat qu’aviá intencion de promulgar la lei sul pic, tre un jutjament dels magistrats del Constitucional, sustot per metre fin a la controvèrsia amb los opausants, qu’aqueles d’aquí avián organizadas de manifestacions multitudinàrias dins los darrièrs meses.
Ça que la, aqueles opausants, apiejats d’un costat per l’UMP, an avertit que renóncian pas a contunhar lors protèstas e an convocat un nòu rassemblament pel 26 de mai.
Divendres passat, qualques centenats de personas manifestèron a l’entorn de la plaça del Panteon a París, sens autorizacion, e provoquèron d’incidents amb la polícia. Segon lo Ministèri de l’Interior, un policièr foguèt victima d’una agression.
Del sieu costat, Hollande a avertit que serà garent que “la lei s’aplique dins tot lo territòri amb plena efectivitat” e que tolerarà pas “que se pòsca perturbar las nòças”.
De fach, la primièra nòça omosexuala del país, e quitament de l’estat, se debanarà al Clapàs lo 29 de mai que ven. Los protagonistas seràn Vincent Autin, president d’LGBT Montpelhièr-Lengadòc-Rosselhon, e son companhon Bruno.
Lo tèxt legislatiu promulgat per François Hollande foguèt publicat pel Jornal Oficial l’endeman que lo Conselh Constitucional li donèsse son aprobacion plenament, contra l’esperança de l’UMP qu’aviá fach un recors.
Lo cap de l’Estat aviá anonciat qu’aviá intencion de promulgar la lei sul pic, tre un jutjament dels magistrats del Constitucional, sustot per metre fin a la controvèrsia amb los opausants, qu’aqueles d’aquí avián organizadas de manifestacions multitudinàrias dins los darrièrs meses.
Ça que la, aqueles opausants, apiejats d’un costat per l’UMP, an avertit que renóncian pas a contunhar lors protèstas e an convocat un nòu rassemblament pel 26 de mai.
Divendres passat, qualques centenats de personas manifestèron a l’entorn de la plaça del Panteon a París, sens autorizacion, e provoquèron d’incidents amb la polícia. Segon lo Ministèri de l’Interior, un policièr foguèt victima d’una agression.
Del sieu costat, Hollande a avertit que serà garent que “la lei s’aplique dins tot lo territòri amb plena efectivitat” e que tolerarà pas “que se pòsca perturbar las nòças”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
la primiera sinagoga, la primiera mosquèa se son establidas d'ora dins lei pais d'oc, lo progrès sociau, la dubèrtura ais autres, voli ben, mai sinagoga , mosquèa (e gleisa catolica) son pa'ncara dubèrtas à-n-aquéu pretendut progrès sociau que representa lo maridatge entre personas dau mesme sèisse que non podon perpetuar l'especi. a-n-una epoca onte plus degun se vou maridar, es curios aquéu retorn ai sacraments religios
A Garric eths coples eteròsexuaus en principe que son composats d'un mascle e d'ua hémia (fumèla) qu'ei aqueth fondament qui ei er'arregla der'arreproduction sexuau se per cas un cople d'aqueths non pòt pas aver mainats qu'ei un accident dera vita ,donc qu'assajan d'aver totun mainats ; mès en eth cas d'un cople òmosexuau qu'ei diferent pormor qu'ac saben que non pòden pas arreproduiser .Pormor d'aquerò n'arribi pas a comprener per quin caminament deth esperit ,dus òmes que viven amassa e vòn un mainat,
#1 Ròdrigò, maites coples eterosexuals se pòdon pas reprodusir tanpauc e pr'aquò renóncian pas a aveire d'enfants.
#3 E cal pas doblidar que lo primièr maridatge entre doas personas del meteis sèxe lo faguèt Noël Mamère a Beglas fa ja qualques annadas. Reconegut o pas lo maridatge, Aquitània foguèt davancièra.
Brau. Es simbolic mas mòstra qu'es en Occitània que los progresses socials e la dubertura als autres a de ressons.
Aquò es per l'actualitat e per l'istòria passaa, chal se'n avisar qu'au nivèl religiós s'installèron en cò nòstre de sinagògas pron d'ora en rapòrt dau rèsta d'Euròpa, que la mai anciana mosquèa conoissuá dau canton èra a Narbona...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari