Actualitats
“Catalonia is not Spain”, çò dison los kosovars als suportaires del Real Madrid
En responsa a las provocacions dels suportaires madridencs
Divendres passat a Madrid, las doas esquipas de la vila, lo Real Madrid e l’Atlético de Madrid, joguèron la copa d’Espanha de fotbòl. Pendent la partida se poguèt veire dins la zòna ont i aviá los suportaires del Real Madrid una granda bandieròla que disiá “Kosovo es Serbia” (Kosova es Serbia). Ganhèt la copa l’Atlético de Madrid per 1-2.
La responsa dels kosovars es lèu arribada. Pendent la dimenjada, dins qualques terrens de fotbòl del país balcanic, apareguèron qualques bandieròlas que s’i podiá legir “Catalonia is not Spain” (Catalonha es pas Espanha).
La responsa dels kosovars es lèu arribada. Pendent la dimenjada, dins qualques terrens de fotbòl del país balcanic, apareguèron qualques bandieròlas que s’i podiá legir “Catalonia is not Spain” (Catalonha es pas Espanha).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
lo Kosovo, breç de l'independéncia sèrba contra leis otomans es estat fach autonoma pèr Tito croat que volià contrariar l'egemonia sèrba, leis Estats-units dins la linha de sa politica pro-musulmana an tot fach per que foguèsse independènt, leis albanès-kosovar an destruchs de centenas de glèisas ortodoxes monuments istorics, mai aquo as laissat de marbre aquelei que se son tant indignats que lei Talibans aguèsson fach petar lo Boudah monumentau ! vuèi es dificil de saubre onte bofa lo vent de l'istoria
Es la pròva que lo rei d’Aragon Jacme Primièr lo conqueridor, èra pas kosovar, el qu’escriguèt:
… «E fe que devem a Déu, pus aquells de Catalunya, que és lo mellor regne d’Espanya e el pus noble …”
O ben los kosovars an pas legit “lo llibre dels feyts”, d'on es tirada aquesta citacion. Vertat, es redigit en catalan per un catalan.
L'opinion dels kosovars si catalonia is spain o non, se'n fotèm. Es l'opinion dels catalans que nos interèssa. Veirem plan qual(s) a(n) rason, lo rei catalan o los kosovars, amb lo resultat del referendum popular! Es aquò que compta, fin finala.
Solidaritat inter nacionala per las independéncias !
Catalans, Occitan, Albaneses, e mai Curdes, Amasigs, e mai Tibetans...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari