Actualitats
Un tornado enòrme a fach nonanta un mòrts en Oklahoma
De còps de vent fins a 300 km/h an fach de degalhs als Estats Units. Barack Obama a declarat Oklahoma zòna catastrofica
Un tornado enòrme, d’aperaquí tres quilomètres de diamètre, a fach de degalhs a la vila d’Oklahoma City, mai que mai dins lo quartièr Moore que se tròba al sud de la ciutat. La tempèsta a causat la mòrt de nonanta una personas dont un vintenat d’enfants.
Los còps de vent, de gaireben tres cents quilomètres per ora, an fach volar de bastissas, dont doas escòlas, e de desenats de veituras. I a mai d’un centenat de ferits dins los espitals e la majoritat son dins un estat grèu, coma o a dich lo pòrtavotz del burèu medical legista, Amy Elliott, segon The New York Times.
Lo president dels Estats Units, Barack Obama, a declarat l’estat de desastre en Oklahoma pr’amor dels degalhs provocats per lo tornado, qu’es lo segond mai fòrt segon los registres.
Los còps de vent, de gaireben tres cents quilomètres per ora, an fach volar de bastissas, dont doas escòlas, e de desenats de veituras. I a mai d’un centenat de ferits dins los espitals e la majoritat son dins un estat grèu, coma o a dich lo pòrtavotz del burèu medical legista, Amy Elliott, segon The New York Times.
Lo president dels Estats Units, Barack Obama, a declarat l’estat de desastre en Oklahoma pr’amor dels degalhs provocats per lo tornado, qu’es lo segond mai fòrt segon los registres.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari