Actualitats
La deputada marselhesa Sylvie Andrieux condemnada a dos ans de preson per malversacion de fonzes publics
La deputada socialista marselhesa Sylvie Andrieux foguèt condemnada, ièr dimècres, pel tribunal correccional de Marselha a tres ans de preson, dont dos amb sosta, per malversacion de fonzes publics. A aquela pena cal apondre una multa de 100 000 èuros e cinc ans d’inelegibilitat.
Pendent lo procès, en març, Andrieux aviá comparegut demest un vintenat de prevenguts e lo procuraire Jean-Luc Blachon aviá demandat per ela dos ans de preson amb sosta, 50 000 èuros de multa e cinc ans d’inelegibilitat. Los sieus avocats avián denonciat un dorsièr “del ferum nauseabond” e un “tracanard politic”.
L’elegida dels Quartièrs Nòrd de Marselha, dins sos 51 ans e parlamentària dempuèi 1997, èra perseguida per aver malversat dins los ans 2000, mentre qu’èra vicepresidenta de la region de Provença-Aups-Còsta d’Azur, mai de 700 000 èuros de las subvencions regionalas a de fins de clientelisme electoral.
L’enquèsta foguèt dobèrta a partir de 2007, après lo senhalament a la justícia per la cellula Tracfin del Ministèri de las Finanças. Es estada jutjada per obrar en favor de qualques associacions censadas benfasentas pels joves e pels quartièrs en dificultat, mas que serián de clòscas vuèjas creadas per pagar de personas qu’ajudavan Sylvie Andrieux a s’implantar e se far elegir, mai que mai dins lo 14n arredondiment de la Ciutat Focèa.
Amb lo cas dels fraires Guérini, l’afaire Andrieux es d’aqueles qu’embarrassan lo Partit Socialista dins lo departament de las Bocas de Ròse.
Pendent lo procès, en març, Andrieux aviá comparegut demest un vintenat de prevenguts e lo procuraire Jean-Luc Blachon aviá demandat per ela dos ans de preson amb sosta, 50 000 èuros de multa e cinc ans d’inelegibilitat. Los sieus avocats avián denonciat un dorsièr “del ferum nauseabond” e un “tracanard politic”.
L’elegida dels Quartièrs Nòrd de Marselha, dins sos 51 ans e parlamentària dempuèi 1997, èra perseguida per aver malversat dins los ans 2000, mentre qu’èra vicepresidenta de la region de Provença-Aups-Còsta d’Azur, mai de 700 000 èuros de las subvencions regionalas a de fins de clientelisme electoral.
L’enquèsta foguèt dobèrta a partir de 2007, après lo senhalament a la justícia per la cellula Tracfin del Ministèri de las Finanças. Es estada jutjada per obrar en favor de qualques associacions censadas benfasentas pels joves e pels quartièrs en dificultat, mas que serián de clòscas vuèjas creadas per pagar de personas qu’ajudavan Sylvie Andrieux a s’implantar e se far elegir, mai que mai dins lo 14n arredondiment de la Ciutat Focèa.
Amb lo cas dels fraires Guérini, l’afaire Andrieux es d’aqueles qu’embarrassan lo Partit Socialista dins lo departament de las Bocas de Ròse.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Nos auriá dich de mensòrgas. Aqueu de còup...
De clientelisme electoral, ne fan gaireben totes dins nòstre sistema d'eleccion nominala. Dins aquel sistema, colhonet lo que ne fa pas. Per una de caçada ne demòra un molon.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari