Actualitats
Lo president del Senat francés defend las lengas “regionalas”
Lo president del Senat francés, Jean-Pierre Bel, anèt dissabte passat a Ceret (Catalonha) per inaugurar lo nòu musèu d’instruments de musica e i defendèt publicament las lengas mal nomenadas “regionalas”.
Pendent sa vesita a Ceret (Catalonha), Bel exprimiguèt son vejaire sus las lengas mal nomenadas regionalas e sul fach que lo president francés, François Hollande, aja decidit de se mancar dins sa paraula e de non ratificar la Carta Europèa de las Lengas Minoritàrias o Regionalas.
Lo president del Senat afirmèt qu’aquel fach “a entraïnat una granda decepcion”. Assegurèt tanben: “Pensi pas de daissar aquel afar de costat. Nos cal anar a aquel tipe de ratificacion e aquò es çò que soslinharai lèu al ministre, per li dire que se tracta de recular pas dins aquela posicion.”
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Qui es lo public de ciutadans occitanista que lo faguèt passejar a Tolosa per la manifestacion de 2012 a Tolosa ? Quí n'aviá mestièr per enganar l'occitanisme e lo movement lingüistic occitan ? Los universitaris ? La secta dels professors (secta car totes d'esquèrra) ? quí ?
Es plan evident que dempuèi que los cargats de mission per l'occitan son pas installats per desvolopar l'occitan e sa preséncia pertot, mas per enganar lo movement occitanista, sembla que pels socialistas tot va melhor, sembla.
Vòl defendre las lengas "regionalas" (traduccion: "colonizadas")?
Aquò's quicòm de flame nòu venent d'el !!!!
Del temps qu'èra conse de Mijanes (12 ans), puèi conse de L'Avelhanet (7 ans), çò que se pòt dire es que i a pas jamai agut lo mendre panèu escrit en occitan dins sa comuna, I a pas agut la mendra publicacion de la comuna o de l'ofici de torisme en occitan.
Del temps qu'èra president del Conselh genral d'Arièja, pas cap de senhalizacion occitan es estada faita sus las rotas e l'ajuda financièra a l'occitan èra redusida a la talha microscopica.
Donc NON, Jean-Pierre Bel se fot completament de defendre l'occitan.
Serà pas una declaracion electoralista que nos enganarà.
Veirem ben... Coneissent lo republicanisme rance dels socialistas del comtat de Foish, crenti que mossur Bel se pague pas que de mots. Se pensa vertadièrament far quicòm, òsca! Seriá a s'acabar l'èra glaciara Bonrepaus.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari