Los trabalhadors salariats del collègi associatiu occitan Leon Còrdas, situat dins la municipalitat de Grabèls (Montpelhierenc), son en cauma dempuèi diluns passat, lo 20 de mai. Las rasons de la protèsta son l’exigéncia que se meta fin al secutament exercit per la presidéncia, la consulta e participacion dels salariats en la presa de decisions que los pòscan afectar e lo manten de la presa en carga pel collègi de las jornadas de caréncia aplicadas per la Seguretat Sociala.
Al delà, e a nivèl contractual, los trabalhadors demandan tanben que l’associacion que gerís lo centre educatiu faga pas mai de contractes precaris e, en luòc d’aquò, que cèrque de donar als trabalhadors una relacion permanenta amb la Calandreta. Lo centre d’ensenhament segondari Leon Còrdas, creat en 1997, es un dels dos collègis del ret associatiu de las Calandretas. L’autre es lo Collègi de Gasconha, a Pau.
Al delà, e a nivèl contractual, los trabalhadors demandan tanben que l’associacion que gerís lo centre educatiu faga pas mai de contractes precaris e, en luòc d’aquò, que cèrque de donar als trabalhadors una relacion permanenta amb la Calandreta. Lo centre d’ensenhament segondari Leon Còrdas, creat en 1997, es un dels dos collègis del ret associatiu de las Calandretas. L’autre es lo Collègi de Gasconha, a Pau.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los salariats en cauma an représ lo trabalh dempuèi tres setmanas.
A l'amassada generala dau collègi lo primièr de junh, avián anonciat que, per manca d'argent,
dos salariats anavan sautar (1 animator que son contracte èra a mand de s'acabar (lo 2 de junh), e un autre... mas podián pas encara dire qual). Tres setmanas aprèp, ne sabèm mai... en fait, i a 4 salariats qu'an lor contracte non renovelat (3 animators e una secretària), totes 4 en contracte CAE, totes 4 avián fach la cauma. Per 3 d'entre eles, lo renovelament en contracte ajudat tip CUI-CAE èra encara possible, lo quatren l'aurián degut embauchar en CDI per lo poder gardar.
Las rasons d'aquestes non renovelaments, plan solide, son unicament financiaras.
#3 la direccion se volguèt pas exprimir
e faguèron repròche als salariats d'aver comunicat dins los mèdia,
qu'aquò riscava de mascarar l'imatge dau collègi
"secutament" es per pas esciure "arcelament" que fa tròp francés?
#8 "A bon, ben s'es la fauta de l'Estat francés, podem contunhar dens lo non respècte dau dret dau trabalh e lo secutament."
"non repiech dau drech dau tebalh", es pas dins l'article e sembla pas que los caumaires pòrten 'quela acusacion. "secitament" i es, mes es lo vejaire d'unes, es una acusacion, la nos fau ausir mes fau ausir tanben lo punch de vist de l'autra partida.
La responsabilitat de l'estat francés .... segurament qu'es responsable de la misèria de l'ensenhament occitan ! Calandreta dèu resoiechar las leis socialas, mes son objectíu es pas d'amagestrar d'establiments ente los salariats ajan una situacion sociala fòrça melhora que la de la lei, es d'obrar per la transmission emai lo desenvolopament de la lenga e de la cultura.
#3 " Seriá ben d'aver d'entrevistas dei caumaires e de la direccion per comprene çò que se passa"
Òc !
"secutament" es l'expression d'un vejaire particulièr dins la garrolha, mai qu'una realitat objectiva ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari