Actualitats
Inspeccion contra una ensenhaira qu’a fach dessenhar de croses gammadas als escolans
S’es dobèrta una inspeccion academica per maladreiça pedagogica contra una professora qu’a fach dessenhar de croses gammadas als escolans a Sant Clement (Montpelhierenc). Lo cònsol de la vila, Alphonse Cacciaguera, esitarà a pas de far sa denóncia a la justícia se “l’intencion de nòire es provada”.
Après un expausat de dos escolans sus la Segonda Guèrra Mondiala, l’ensenhanta de l’escòla primària Louis Landier demandèt a la classa de CM2 de redessenhar la crotz gammada. Après, empleguèt lo simbòl del nazisme per illustrar son cors de geometria.
Jonathan, un escolan de 10 ans d’origina josieva, refusèt de far lo dessenh, e o expliquèt a sa maire que demandèt de rescontrar la directritz de l’escòla. La directritz diguèt als enfants qu’aquel simbòl lo cal pas dessenhar. D’autres parents tanben mostrèron lor planh.
Sylvain Chlomik, vicepresident del Burèu Estatal de Vigilància Contra l’Antisemitisme (BNVCA segon sa sigla en francés), qualifiquèt l’actitud del petit Jonathan coma un “acte de resisténcia”; a condemnat los faches en los considerant de “faches inadmissibles”. Chlomik a prepausat a l’escòla de “far venir un deportat per sensibilizar los enfants e tanben los ensenhaires”.
Après un expausat de dos escolans sus la Segonda Guèrra Mondiala, l’ensenhanta de l’escòla primària Louis Landier demandèt a la classa de CM2 de redessenhar la crotz gammada. Après, empleguèt lo simbòl del nazisme per illustrar son cors de geometria.
Jonathan, un escolan de 10 ans d’origina josieva, refusèt de far lo dessenh, e o expliquèt a sa maire que demandèt de rescontrar la directritz de l’escòla. La directritz diguèt als enfants qu’aquel simbòl lo cal pas dessenhar. D’autres parents tanben mostrèron lor planh.
Sylvain Chlomik, vicepresident del Burèu Estatal de Vigilància Contra l’Antisemitisme (BNVCA segon sa sigla en francés), qualifiquèt l’actitud del petit Jonathan coma un “acte de resisténcia”; a condemnat los faches en los considerant de “faches inadmissibles”. Chlomik a prepausat a l’escòla de “far venir un deportat per sensibilizar los enfants e tanben los ensenhaires”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Le svastika es plan mès vièlh que le nazisme. N’i a pertot dins las glèisas en çò nòstre, e es un simbòl present dins un flòc de civilizacions de la planeta.
Vesi pas perqué seriá defendut de le dessenhar en classa de geometria.
Vertat que, per on cors de geometria, ua dalha e un martèth aquò ne va pas plan ...
Benlèu un cèrcle dab un "A" a l'endehens.
despachem se de far venir de deportats ais escolas que dins quauque temps n'i aurà plus ges
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari