La lei sus l’ensenhament superior de l’estat francés se votèt dijòus passat a l’Assemblada Nacionala. L’oposicion, en nom e defensa de la francofonia, a batalhat fòrt contra son article 2 que permet a las universitats de far de corses en anglés. Lo deputat Daniel Fasquelle (UMP) faguèt son intervencion en anglés per protestar.
Per contra, en mai de 2008, lo deputat catalan Daniel Mach (UMP) ensagèt de dire qualques mots en catalan, mas foguèt copat sul pic perqué aviá lo drech de “parlar qu’en la lenga francesa”.
Dins los dos vidèos, es de remarcar qu’existís encara una fòrta mentalitat de supremacisme lingüistic.
Per contra, en mai de 2008, lo deputat catalan Daniel Mach (UMP) ensagèt de dire qualques mots en catalan, mas foguèt copat sul pic perqué aviá lo drech de “parlar qu’en la lenga francesa”.
Dins los dos vidèos, es de remarcar qu’existís encara una fòrta mentalitat de supremacisme lingüistic.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
D'Anglés a l'assemblada nacionala francesa ? E alara ? A l'assemblada nacionala occitana, volèm d'occitan. Çò que faràn los Franceses dins son assemblada bufèca, aquò's lo sieu problèma, pas mai lo nòstre. Si qu'a l'assemblada nacionala occitano-catalana, s'i poirà parlar aragonés e basc, en signe de libertat, d'egalitat e de fraternitat.
#3 Michel Serres vielhís mal. Cal pas negar sos meritis. Mas es d'aqueles que, pel vielhum e perque son depositaris d'un tròç de sapiença, s'autorizan d'aver publicament -se fòsse en privat, me'n chautariái!- d'opinions sus totes los sicuts, amb los degalhs que fan las asenadas dichas per de personas reverenciadas. E en matèria de lingüistica es un colhastre. En mai d'aquò, son libròt sus la "poucette" balha lo sentiment que lo pauròt a pauc de pèrdre la simpatia dels joves.
Aquò dich, aqueste deputat francés se ridiculiza amb lo nivèl pietadós de son anglés! :-) Mas sens galejar, es terrible que se referisca al pseudoargument de Miquèl Sèrras segon lo qual l'occitan es lenga mòrta perqu"o poiriá pas dire tot...
A l'Assemblada Nacionala francesa lor calrà escriure desenant en anglés quora s'agirà de demandar una evolucion juridica per l'occitan. I prestaran mai d'atencion ò al mens legiran fins a la fin avant de jeitar los papiers.
Aquò es pas susprenent. Anariái fins a dire qu'es normal. Qué se pòt esperar de l'Assemblée Nationale? Que nos aculhisson totes braces dubèrts?
Es la realitat republicana a la mòda dels Francs: "ferme ta gueule".
Tanben se cal lausar l'esfòrc de Daniel Mach de voler parlar en catalan al reichstag (es domatge qu'ajam pas pogut ausir lo discors) la debuta de son intervencion nos daissa pas cap de dobte sus la paura dignitat en qué aquel deputat ten lo catalan: "Pour finir sur une note d'humour Madame la ministre...". Lo catalan seriá sonque bon per fa rire la dòcta amassada aprèp un discors seriós en francés !?
Tanben cal remarcar que lo deputat s'es arrestat sulpic. S'es plegat sens ensajar de contunhar son discors en catalan a la disciplina de monolitisme lingüistic de la pas-res-publica.
De comparar amb lo comportament lingüistic dels deputats catalans al parlament de Madrid:
http://www.youtube.com/watch?v=4-6E71n5j9I
Bon de tot bias aqueste D. mach es pas pus deputat uèi e de tot biais se i a qualqu'un a denonciar es çò primièr lo comportament vergonhós del president de sesilha qu'auriá degit dire: "podètz contunhar, mas de pel reglament de l'assemblée, la vòstra partida del discors en catalan, non serà pas transcrita". Aquò seriá estat democratic.
"Democratic", una nocion a geometria variabla ençò dels politicians franchimands e alienats.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari