Actualitats
Nòva demostracion de fòrça contra lo maridatge omosexual a París
Contra la lei aprovada fa un mes pel govèrn d’Ayrault e lo president Hollande. Dimècres se debanarà la primièra nòça omosexuala de l’estat a Montpelhièr. La manifestacion s’acabèt amb de fòrtas susmautas
Lo movement opausat al maridatge omosexual en França faguèt ièr una nòva demostracion de fòrça amb una manifestacion multitudinària a París contra la lei aprovada pel govèrn de François Hollande e per l’Assemblada, fa a pena un mes. Segon los organizaires, i an participat un milion de manifestants, convocats pels partits de drecha e per d’entitats restacadas a la glèisa catolica. Segon la polícia, èran cent cinquanta mila. La manifestacion s’es passada jos de fòrtas mesuras de seguretat, amb gaireben cinc mila policièrs desplegats, a causa de las menaças arribadas dels grops d’ultradrecha. De fach, an detengut vint manifestants ultras qu’ocupèron pendent un moment la sedença del Partit Socialista.
Las bandieròlas e qualques consignas demandavan la demission d’Hollande e la derogacion de la lei, que permet als parelhs del meteis sèxe de se maridar. De fach, lo primièr maridatge omosexual de l’estat francés se farà en Occitània, la nòça aurà luòc dimècres que ven a Montpelhièr.
Fòrtas susmautas
La manifestacion s’acabèt amb de fòrtas susmautas. Aperaquí 200 personas afrontèron las fòrças de l’òrdre en lor lançant de barrièras e de botelhas. Manuel Valls condemnèt totas aquelas violéncias causadas “per l’extrèma drecha”.
Mantas personas son estadas interpeladas. De fach, 96 activistas d’extrèma drecha foguèron ja detenguts pendent la manifestacion.
Las bandieròlas e qualques consignas demandavan la demission d’Hollande e la derogacion de la lei, que permet als parelhs del meteis sèxe de se maridar. De fach, lo primièr maridatge omosexual de l’estat francés se farà en Occitània, la nòça aurà luòc dimècres que ven a Montpelhièr.
Fòrtas susmautas
La manifestacion s’acabèt amb de fòrtas susmautas. Aperaquí 200 personas afrontèron las fòrças de l’òrdre en lor lançant de barrièras e de botelhas. Manuel Valls condemnèt totas aquelas violéncias causadas “per l’extrèma drecha”.
Mantas personas son estadas interpeladas. De fach, 96 activistas d’extrèma drecha foguèron ja detenguts pendent la manifestacion.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Nòva demostracion de flaquesa reaccionària e petainista contra lo maridatge omosexual, dins la capitala dels exterminators culturals de pòbles, de lengas, de culturas…
França es l'imatge de l'intolerància, lo faissisme, lo racisme e l'omofobia. Urosament quan vau en Catalonha lor disi que soi occitan e comprenon. Auriái vergonha de dire que soi francés.
Per contra, soi content que la primièra nòça gai serà facha a Montpelhièr. Lo país nòstre es encara lo país de l'amor, del paratge e de la convivéncia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari