Actualitats
Lo movement de Beppe Grillo s’esfondra a las eleccions comunalas
La centresquèrra pren l’avantatge e ganha a Roma, malgrat que calga anar puèi al segond torn
Lo bipartidisme a pres de fòrça dins las eleccions comunalas d’Itàlia, marcadas per una nauta abstencion e per la fòrta davalada del Movement Cinc Estelas, qu’a gaireben perdut la mitat del sosten qu’obtenguèt a las parlamentàrias de febrièr passat, quand amassèt lo vòte dels malcontents.
Entre dimenge e diluns i aguèt d’eleccions en aperaquí 500 municipalitats, dont Roma. Dins la capitala italiana, lo candidat del centresquèrra, Ignazio Marino, s’impausèt a l’actual cònsol, Gianni Alemanno (del Pòble de la Libertat de Berlusconi), amb una distància de 10% dels vòtes. Ça que la, caldrà anar al segond torn que se debanarà lo 9 e lo 10 de junh.
En darrièr demorèt lo candidat del Movement Cinc Estelas, Marcello De Vito, qu’a ja dich que votarà pas al segond torn e que donarà pas cap d’instruccion de vòte.
Lo movement de Beppe Grillo a pedut la fòrça obtenguda fa quatre meses dins las eleccions parlamentàrias e a perdut la mitat dels vòtes d’alavetz.
Es de soslinhar qu’en Aosta, los autonomistas an ganhat per l’ochen còp consecutiu.
Entre dimenge e diluns i aguèt d’eleccions en aperaquí 500 municipalitats, dont Roma. Dins la capitala italiana, lo candidat del centresquèrra, Ignazio Marino, s’impausèt a l’actual cònsol, Gianni Alemanno (del Pòble de la Libertat de Berlusconi), amb una distància de 10% dels vòtes. Ça que la, caldrà anar al segond torn que se debanarà lo 9 e lo 10 de junh.
En darrièr demorèt lo candidat del Movement Cinc Estelas, Marcello De Vito, qu’a ja dich que votarà pas al segond torn e que donarà pas cap d’instruccion de vòte.
Lo movement de Beppe Grillo a pedut la fòrça obtenguda fa quatre meses dins las eleccions parlamentàrias e a perdut la mitat dels vòtes d’alavetz.
Es de soslinhar qu’en Aosta, los autonomistas an ganhat per l’ochen còp consecutiu.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari