Après dos ans de trabalh, lo projècte d’una Calandreta per Agen a pres forma e l’escòla se poiriá dobrir a la rentrada escolara en setembre.
Lo cònsol d’Agen, Jean Dionis du Séjour, e sas adjonchas en carga de l’accion escolara, Maïté Françoise e Marie Esculpavit, an aculhit favorablement l’iniciativa. “Sèm prèstes a metre a disposicion de la Calandreta, que recebrà d’enfants de 2 a 5 ans, un local e una ATSÈM (agenta especializada de las escòlas mairalas). Es çò minimal qu’anam prepausar en conselh minicipal, lo 1r de julhet 2013” çò disiá a Sud-Ouest lo cònsol d’Agen.
Lo salari de l’ensenhaire serà finançat la primièra annada per la Confederacion de las Calandretas. Son president, Joan-Loís Blenet, declarava a Sud-Ouest qu’“aquelas escòlas an un òrre succès. Òrre perque avèm una fòrta demanda sociala mas, darrièr, las collectivitats seguisson pas. Los projèctes partisson de la basa. Es important que las municipalitats nos sostengan se volèm tocar l’estat”.
Las escòlas Calandreta, escampilhadas per tota Occitània, son d’escòlas laïcas e associativas qu’an un contracte amb l’Estat, qu’emplegan la lenga occitana coma lenga veïculara sul programa educatiu fixat pel Ministèri de l’Educacion de França. La relacion entre los professors e las familhas es fòrça estrecha, e los parents se pòdon engatjar dins lo projècte fins ont vòlgan. De mai, cada Calandreta a una estrecha relacion amb son entorn immediat, e aital la coneissença de la realitat prèpa e l’engatjament dels escolans amb l’entorn son plan nauts.
A l’ora d’ara, Occitània compta amb 52 Calandretas e dos collègis, un a Pau e l’autre a Montpelhièr.
Lo cònsol d’Agen, Jean Dionis du Séjour, e sas adjonchas en carga de l’accion escolara, Maïté Françoise e Marie Esculpavit, an aculhit favorablement l’iniciativa. “Sèm prèstes a metre a disposicion de la Calandreta, que recebrà d’enfants de 2 a 5 ans, un local e una ATSÈM (agenta especializada de las escòlas mairalas). Es çò minimal qu’anam prepausar en conselh minicipal, lo 1r de julhet 2013” çò disiá a Sud-Ouest lo cònsol d’Agen.
Lo salari de l’ensenhaire serà finançat la primièra annada per la Confederacion de las Calandretas. Son president, Joan-Loís Blenet, declarava a Sud-Ouest qu’“aquelas escòlas an un òrre succès. Òrre perque avèm una fòrta demanda sociala mas, darrièr, las collectivitats seguisson pas. Los projèctes partisson de la basa. Es important que las municipalitats nos sostengan se volèm tocar l’estat”.
Las escòlas Calandreta, escampilhadas per tota Occitània, son d’escòlas laïcas e associativas qu’an un contracte amb l’Estat, qu’emplegan la lenga occitana coma lenga veïculara sul programa educatiu fixat pel Ministèri de l’Educacion de França. La relacion entre los professors e las familhas es fòrça estrecha, e los parents se pòdon engatjar dins lo projècte fins ont vòlgan. De mai, cada Calandreta a una estrecha relacion amb son entorn immediat, e aital la coneissença de la realitat prèpa e l’engatjament dels escolans amb l’entorn son plan nauts.
A l’ora d’ara, Occitània compta amb 52 Calandretas e dos collègis, un a Pau e l’autre a Montpelhièr.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quala victòria ! Vos desiri una bona rentrada ! Coratge !
Una calandreta es mòrta a Valàuria, una autra es quasi sepelida a Niça (Nissa). Se parla quitament plus deis autrei de Cuèrs e Marselha.
Aurenja e Gap tènon meritosament...
Una question : l'objectiu dei poders publics (comunas, departiments...) en Provença-Aups-Còsta d'Azur es d'eliminar Calandreta de la region ?
:D
Òsca a la nòva calandreta al país de Jansemin!
Jansemin... qu'a ja son estacion de metrò a París. E seriá pas un polit nom per una calandreta?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari