Dissabte passat de maitin, un vintenat de militants d’Aï’ta (collectiu per la defensa del breton), bloquèron l’ostal del primièr ministre francés Jean-Marc Ayrault a Sarzhav. De panèls estradièrs monolingües en francés foguèron “empruntats” pel collectiu e tanben un sòcle de betum. Sul sòcle, un personatge que fasiá l’Ankou, la personificacion de la mòrt segon la mitologia bretona, èra armat de sa dalha e de son drapèl francés, e aital metiá en scèna un simbòl de l’assassinat progressiu de la lenga bretona per l’estat francés. L’accion se debanèt de manièra pacifica e s’i entonèt de cants per dançar.
La tòca d’aquel acamp èra de protestar contra lo renegament del govèrn Ayrault-Hollande de la promessa 56 del programa del candidat socialista a las darrièras eleccions presidencialas: ratificar la Carta Europèa de las Lengas Regionalas e Minorizadas.
Lo jornal breton 7Seizh, d’ont Jornalet a trach aqueste article, difondrà lèu un filmet de l’accion del collectiu Aï’ta.
La tòca d’aquel acamp èra de protestar contra lo renegament del govèrn Ayrault-Hollande de la promessa 56 del programa del candidat socialista a las darrièras eleccions presidencialas: ratificar la Carta Europèa de las Lengas Regionalas e Minorizadas.
Lo jornal breton 7Seizh, d’ont Jornalet a trach aqueste article, difondrà lèu un filmet de l’accion del collectiu Aï’ta.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1https://www.facebook.com/pages/Endavant/236695636400811
#2 Era elegit de en Lemosin (president dau departament de Corresa e mera de sa capitala Tula). Mas quò vau pas dire qu'era sa residéncia. Eu venia un jorn o dos per setmanas. Pense que qu'aia 'gut de lotjament fixe. Per contra, d'après sa declaracion de patrimòni, a una maison a Mogins e una apartament a Canas dins los Aups maritims.
François Hollande demore en Occitània, vertat?
Quora farem parièr per l'Occitan davant los lòcs de residencias estivalas en Occitània d'un fum de menistres tant d'esquèrra coma de dreita ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari