Lo president sirian, Bashshar Al Asad, a assegurat ièr que Siria a ja recebut lo primièr liurament de missils antiaerians enviats per Russia. O afirmèt dins una entrevista a la television libanesa Al Manar, ont tanben assegurava que la rèsta de las armas arribarián lèu: “Siria a recebut lo primièr lòt de missils russes S-300 e ne recebrà lèu la rèsta”. Lo jornal estatsunidenc The Washington Postpublica una còpia de la comanda d’armas qu’a fach Al Asad a Moscòu.
Lo jornal libanés Al Akhbar avançava de fragments d’aquela entrevista, ont Al Asad parla tanben de las victòrias de las siás tropas, de l’eliminacion de l’oposicion que nomena “fòrças terroristas” e de sa participacion a la Conferéncia de Patz de Genèva per cercar una sortida politica al conflicte. “L’armada siriana lucha contra de grops armats e contunharà fins a l’eliminacion dels terroristas”, çò diguèt Al Asad.
Dins l’entrevista, lo president critiquèt tanben los caps de l’oposicion a l’estrange e los estats de Turquia, l’Arabia Saudita e Qatar per sosténer e finançar los grops armats. Assegura qu’aquelas ajudas an permés de far intrar dins lo territòri sirian mai de 100 000 combatents arabis e estrangièrs.
Lo president, fin finala, manifèsta dins l’entrevista que “Siria e l’Hizbullah son dins lo meteis camp”. Al Asad a avertit Israèl, qu’es fòrça preocupat pel desplegament dels antimissils russes en Siria, que l’armada respondrà a quina agression que siá contra lo sieu territòri.
Mentretant, Russia acusa l’oposicion siriana d’empedir un possible dialòg de patz entre las partidas afrontadas en Siria. Lo ministre dels Afars Estrangièrs, Sergei Lavrov, a dich que condicionar lo renonciament del president Al Asad per començar las convèrsas entre las doas partidas es impossible. Segon lo ministre, fa l’impression que los opausants e los païses que los ajudan fan tot çò de possible per evitar lo dialòg politic. Lo ministre fa referéncia a la decision dels opausants de condicionar lor participacion a la Conferéncia de Genèva a qu’Al Asad quite lo poder.
Lo jornal libanés Al Akhbar avançava de fragments d’aquela entrevista, ont Al Asad parla tanben de las victòrias de las siás tropas, de l’eliminacion de l’oposicion que nomena “fòrças terroristas” e de sa participacion a la Conferéncia de Patz de Genèva per cercar una sortida politica al conflicte. “L’armada siriana lucha contra de grops armats e contunharà fins a l’eliminacion dels terroristas”, çò diguèt Al Asad.
Dins l’entrevista, lo president critiquèt tanben los caps de l’oposicion a l’estrange e los estats de Turquia, l’Arabia Saudita e Qatar per sosténer e finançar los grops armats. Assegura qu’aquelas ajudas an permés de far intrar dins lo territòri sirian mai de 100 000 combatents arabis e estrangièrs.
Lo president, fin finala, manifèsta dins l’entrevista que “Siria e l’Hizbullah son dins lo meteis camp”. Al Asad a avertit Israèl, qu’es fòrça preocupat pel desplegament dels antimissils russes en Siria, que l’armada respondrà a quina agression que siá contra lo sieu territòri.
Mentretant, Russia acusa l’oposicion siriana d’empedir un possible dialòg de patz entre las partidas afrontadas en Siria. Lo ministre dels Afars Estrangièrs, Sergei Lavrov, a dich que condicionar lo renonciament del president Al Asad per començar las convèrsas entre las doas partidas es impossible. Segon lo ministre, fa l’impression que los opausants e los païses que los ajudan fan tot çò de possible per evitar lo dialòg politic. Lo ministre fa referéncia a la decision dels opausants de condicionar lor participacion a la Conferéncia de Genèva a qu’Al Asad quite lo poder.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari