Actualitats
Un còp d’uèlh sus las exportacions d’armas de l’Union Europèa
S’es activada una aplicacion web que permet d’establir de comparasons entre los estats exportaires, los païses de destinacion, los tipes d’armament e las annadas
Cada an los païses de l’Union Europèa expòrtan d’armament per de valors de miliards d’èuros. Se tracta tant d’armas leugièras e de municions coma de vaissèls de guèrra e d’avions militars. E los ciutadans europèus an a pena qualque informacion, çò planh lo Centre d’Estudis per la Patz J.M. Delàs.
Ça que la, una nòva aplicacion de la Campanha contra lo Comèrci d’Armas e del Ret Europèu contra lo Comèrci d’Armas a divulgat las donadas disponiblas, d’un biais clar e aisit, pel grand public, los politicians, los foncionaris e los mèdias.
L’aplicacion Exportacions d’Armas dins l’UE se basa sus las donadas publicadas dins los rapòrts annals de la Comission Europèa entre 1998 e 2011. Mas, coma los rapòrts mençonats son de mal comprene e fòrça tecnics, la nòva aplicacion prepausa un sistèma simple e aisit per navigar, per comprene las donadas e per establir de comparasons rapidas entre los estats exportaires (amb França, Alemanha, Itàlia, lo Reialme Unit, Espanha e Suècia davant), los païses de destinacion, los tipes d’armament e las annadas.
Lo Centre Delàs avertís que las donadas, e mai se son oficialas, son “incompletas e comprenon d’omissions evidentas”.
Ça que la, una nòva aplicacion de la Campanha contra lo Comèrci d’Armas e del Ret Europèu contra lo Comèrci d’Armas a divulgat las donadas disponiblas, d’un biais clar e aisit, pel grand public, los politicians, los foncionaris e los mèdias.
L’aplicacion Exportacions d’Armas dins l’UE se basa sus las donadas publicadas dins los rapòrts annals de la Comission Europèa entre 1998 e 2011. Mas, coma los rapòrts mençonats son de mal comprene e fòrça tecnics, la nòva aplicacion prepausa un sistèma simple e aisit per navigar, per comprene las donadas e per establir de comparasons rapidas entre los estats exportaires (amb França, Alemanha, Itàlia, lo Reialme Unit, Espanha e Suècia davant), los païses de destinacion, los tipes d’armament e las annadas.
Lo Centre Delàs avertís que las donadas, e mai se son oficialas, son “incompletas e comprenon d’omissions evidentas”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari