Lo catamaran que fonciona amb 536,65 m² de panèls solars fotovoltaïcs es arribat al Quai Rainièr I, pas luènh del Yacht Club de Mónegue. Après una dimenjada de celebracions organizadas per aculhir lo vaissèl e lo sieu esquipatge, partirà uèi diluns 7 de mai. Lo vaissèl a ja navigat 53 000 km.
S'agís del primièr vaissèl d’energia exclusivament solara a complir un torn del Mond. La siá tòca es de demostrar l’eficacitat de las nòvas tecnologias environamentalas e lo potencial de las energias renovelablas e fotovoltaïcas. Aital se vòl far avançar l'investigacion scientifica e sensibilizar lo public sus l’importància de las energias renovelablas. La despensa d'energia mejana de Planet Solar equival a aquela d'un scooter.
L’iniciativa s’inscriu dins l'encastre de la politica environamentala portada per Mónegue dempuèi fòrça ans. Es sostenguda per un consòrci compausat de la Direccion del Torisme e dels Congrèsses, la Fondacion Prince Albèrt II, la Société des Bains de Mer e lo Yacht Club de Mónegue.
L'arribada del catamaran e la conferéncia de premsa son estadas retransmesas en dirècte sul sit
www.planetsolar.org.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari