Actualitats
Lo Chambon de Linhon a inaugurat un musèu del remembre
Son movement de “resisténcia civila” engatgèt los vesins a salvar los percaçats del nazisme
Lo Chambon de Linhon (Velai) ven d’inaugurar un musèu del remembre a la memòria dels “modèstes eròis” que resistiguèron e salvèron mai d’un milièr de josieus pendent la Segonda Guèrra Mondiala. De vidèos e de salas tematicas remembran dins un musèu, inaugurat ièr diluns, l’eroïsme e la solidaritat dels vesins qu’amaguèron las personas percaçadas pel nazisme.
“Al moment que la tradicion orala pels vièlhs s’esvalís pauc a cha pauc, devèm preservar aquel passat excepcional per lo transmetre a las generacions joves”, çò diguèt Eliane Wauquiez-Motte, consolessa de la comuna, que se felicita que l’endrech de memòria meta sustot en valor los archius personals e de testimoniatges.
Lo Chambon es una vilòta protestanta, entre Velai e Vivarés, qu’a una longa tradicion d’aculhença e de resisténcia. Ja a la fin dels ans 1930, Lo Chambon aculhiguèt d’exiliats que fugissián los regims de Franco e d’Hitler. De contunh arribèron de josiesus que fugissián la deportacion.
Tres pastors protestants inicièron alavetz lo movement de “resisténcia civila” qu’engatgèt de professors, de bordièrs, de mètges, de comerçants, de proprietaris d’ostalariás, de servicials, etc. Lo mond del Chambon e dels vilatges vesins organizèron de faiçon espontanèa un salvament collectiu de mai d’un milièr de josieus, mai de 3000 se comptam los refugiats de passatge.
A qualques uèch quilomètres, a Tença, i aviá una anciana fabrica de papièr que foguèt transformada en camp d’internament e qu’aculhissiá aperaquí 130 josieus e dissidents del regim hitlerian. Foncionèt sonque qualques meses. En octòbre de 1940, lo Regim de Pétain promulguèt l’estatut dels josieus e tre alavetz comencèron d’èsser percaçats. Los abitants del país esitèron pas de los amagar. Un “arbre de la memòria” remembra aqueles actes d’eroïsme e solidaritat. Amb Lo Chambon se mobilizèt l’ensemble del país. De fach, a Tença, los abitants avián amagat dins lors bòrdas de femnas e d’enfants josieus percaçats.
L’institut israelian Yad Vashem autregèt en 1990 als abitants lo títol collectiu de “Justes demest las nacions”. Lo Chambon es la sola municipalitat d’Occitània qu’a aquel títol. Parallèlament, ochanta justes del Chambon foguèron onorats a títol individual. Lo darrièr moriguèt en 2010.
“Al moment que la tradicion orala pels vièlhs s’esvalís pauc a cha pauc, devèm preservar aquel passat excepcional per lo transmetre a las generacions joves”, çò diguèt Eliane Wauquiez-Motte, consolessa de la comuna, que se felicita que l’endrech de memòria meta sustot en valor los archius personals e de testimoniatges.
Lo Chambon es una vilòta protestanta, entre Velai e Vivarés, qu’a una longa tradicion d’aculhença e de resisténcia. Ja a la fin dels ans 1930, Lo Chambon aculhiguèt d’exiliats que fugissián los regims de Franco e d’Hitler. De contunh arribèron de josiesus que fugissián la deportacion.
Tres pastors protestants inicièron alavetz lo movement de “resisténcia civila” qu’engatgèt de professors, de bordièrs, de mètges, de comerçants, de proprietaris d’ostalariás, de servicials, etc. Lo mond del Chambon e dels vilatges vesins organizèron de faiçon espontanèa un salvament collectiu de mai d’un milièr de josieus, mai de 3000 se comptam los refugiats de passatge.
A qualques uèch quilomètres, a Tença, i aviá una anciana fabrica de papièr que foguèt transformada en camp d’internament e qu’aculhissiá aperaquí 130 josieus e dissidents del regim hitlerian. Foncionèt sonque qualques meses. En octòbre de 1940, lo Regim de Pétain promulguèt l’estatut dels josieus e tre alavetz comencèron d’èsser percaçats. Los abitants del país esitèron pas de los amagar. Un “arbre de la memòria” remembra aqueles actes d’eroïsme e solidaritat. Amb Lo Chambon se mobilizèt l’ensemble del país. De fach, a Tença, los abitants avián amagat dins lors bòrdas de femnas e d’enfants josieus percaçats.
L’institut israelian Yad Vashem autregèt en 1990 als abitants lo títol collectiu de “Justes demest las nacions”. Lo Chambon es la sola municipalitat d’Occitània qu’a aquel títol. Parallèlament, ochanta justes del Chambon foguèron onorats a títol individual. Lo darrièr moriguèt en 2010.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari