Actualitats
Agression faissista mortala a París
De joves ultradrechans an assassinat brutalament un jove breton
Las agressions faissistas en França an passat l’òsca. Dimècres de ser, Clément Méric, un jove breton militant antifaissista, foguèt brutalament agarrit al centre de París per tres ultradrechans. La victima, dins sos 18 ans, estudiava las sciéncias politicas a París e èra activista d’un sindicat d’estudiants.
Sul pic, lo Partit d’Esquèrra (Parti de Gauche) francés atribuiguèt aquel atac al grop d’extrèma drecha de las Joventuts Nacionalistas Revolucionàrias. Aquel partit explicava tanben que lo jove sortissiá d’una botiga de vestits près de l’estacion Saint-Lazare de París, quand recebèt un còp de ponh al cap, se tustèt contra un pal indicador metallic e demorèt ensucat. Los agressors se n’anèron a pè e lo jove foguèt portat en un espital ont ne certifiquèron la mòrt cerebrala. Defuntèt ièr de tantòst.
Totes los representants politics an condemnat l’assassinat de Clément Méric, del temps que Marine Le Pen a afirmat que “i a pas mai d’skinheads dins lo Front Nacional”.
Lo ministre de l’Interior, Manuel Valls, anoncièt ier dijòus l’interpelacion de quatre personas “dont l’autor probable” del còp fatal. Los suspèctes, d’entre 21 e 37 ans, foguèron detenguts per la Brigada de Recèrca e d’Intervencion (BRI, antigang). Segon una font policièra, l’autor presumit dels còps seriá un jove militant d’extrèma drecha nascut en 1992.
Lo primièr ministre francés, Jean-Marc Ayrault, diguèt que voliá talhar en pèças los grops d’extrèma drecha e qu’esperava que lo govèrn trobèsse los mejans per desmantelar aquelas organizacions. “Ai demandat al ministre de l’Interior e de la Justícia qu’estúdie las possibilitats que permetan de talhar en pèças, de qualque biais, de manièra democratica, sus la basa del drech, aqueles movements d’inspiracion faissista e nazi que prejudican la republica. La nòstra responsabilitat es pas solament de velhar per qu’aquelas idèas prospèren pas, mas de trobar las responsas juridicas, politicas, per que totes aqueles movements racistas, antisemitas e omofòbs sián combatuts”.
De collectius antifaissistas de pertot, mai que mai en Euròpa, organizan de concentracions de solidaritat amb lo jove assassinat, dont fòrça se debanan en Occitània. Vejatz-ne aicí la lista completa de totas las vilas.
Las condolenças per l’assassinat de Clément Méric son quitament arribadas a Facebook, on an dobèrt una pagina especifica pel sieu remembre. Sus Twitter s’emplegan los hashtags #nopasaran #antifa #saintlazare #clement.
Sul pic, lo Partit d’Esquèrra (Parti de Gauche) francés atribuiguèt aquel atac al grop d’extrèma drecha de las Joventuts Nacionalistas Revolucionàrias. Aquel partit explicava tanben que lo jove sortissiá d’una botiga de vestits près de l’estacion Saint-Lazare de París, quand recebèt un còp de ponh al cap, se tustèt contra un pal indicador metallic e demorèt ensucat. Los agressors se n’anèron a pè e lo jove foguèt portat en un espital ont ne certifiquèron la mòrt cerebrala. Defuntèt ièr de tantòst.
Totes los representants politics an condemnat l’assassinat de Clément Méric, del temps que Marine Le Pen a afirmat que “i a pas mai d’skinheads dins lo Front Nacional”.
Lo ministre de l’Interior, Manuel Valls, anoncièt ier dijòus l’interpelacion de quatre personas “dont l’autor probable” del còp fatal. Los suspèctes, d’entre 21 e 37 ans, foguèron detenguts per la Brigada de Recèrca e d’Intervencion (BRI, antigang). Segon una font policièra, l’autor presumit dels còps seriá un jove militant d’extrèma drecha nascut en 1992.
Lo primièr ministre francés, Jean-Marc Ayrault, diguèt que voliá talhar en pèças los grops d’extrèma drecha e qu’esperava que lo govèrn trobèsse los mejans per desmantelar aquelas organizacions. “Ai demandat al ministre de l’Interior e de la Justícia qu’estúdie las possibilitats que permetan de talhar en pèças, de qualque biais, de manièra democratica, sus la basa del drech, aqueles movements d’inspiracion faissista e nazi que prejudican la republica. La nòstra responsabilitat es pas solament de velhar per qu’aquelas idèas prospèren pas, mas de trobar las responsas juridicas, politicas, per que totes aqueles movements racistas, antisemitas e omofòbs sián combatuts”.
De collectius antifaissistas de pertot, mai que mai en Euròpa, organizan de concentracions de solidaritat amb lo jove assassinat, dont fòrça se debanan en Occitània. Vejatz-ne aicí la lista completa de totas las vilas.
Las condolenças per l’assassinat de Clément Méric son quitament arribadas a Facebook, on an dobèrt una pagina especifica pel sieu remembre. Sus Twitter s’emplegan los hashtags #nopasaran #antifa #saintlazare #clement.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#11 un jorn lei gents coma vos morirán. E sarà ben.
#7
Soi d'acòrdi amb lo Cedric. La meteissa reaccion s'èra passada a Besièrs e a Tolosa a l'entorn de las manifestacions d'Anem Òc per la lenga occitana.
Los extremistas de cada bòrd pòdon èsser jacobins o occitans, Mèfi !
#14 Aquò rai, los skinheads que's pelejan tostemps en grop. Ne i a pas mei cobard qu'aqueth monde.
#9 Disi soncament qu'es coma se Michel Blanc aviá agressat una escadra de terminatòrs. Es colhon.
#9 Per ièu es colhon. Basta saupre que gaita BFMTV; e se ne fia!
A despart d'aquò, sabètz que la premsa espanhòla ditz qu'es un espanhòl de Cadiç lo que portèt lo còp mortal? N'avèm pas pro amb los nautres de nazis que los eiretièrs del franquisme los venon ajudar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari