Actualitats
L’FMI a reconegut de “grèvas errors” dins lo salvament grèc
A constatat que las mesuras que dessenhèt “an provocat l’esfondrament del país”
Lo Fons Monetari Internacional (FMI) a reconegut que lo programa de salvament de Grècia aguèt “d’errors notablas”. A admés que l’experiéncia recenta del país demòstra l’importància de repartir la carga de l’ajustament entre totes los nivèls de la societat per “aténher un sosten social al programa”. Dins una avaloracion intèrna sul salvament de Grècia, l’FMI soslinha que, pr’amor de l’ajuda acordada amb la tròica, la recession per l’economia grèga es estada “fòrça mai prigonda que çò que se prevesiá, amb un caumatge excepcionalament naut”.
A reconegut tanplan que s’es restaurada la fisança dels mercats, que lo sistèma bancari a perdut 30% dels depauses e que lo deute public es estat tròp naut, çò qu’a obligat de lo restaurar e a originat de damatges collaterals dins las balanças de las bancas, qu’èran ja flacas a causa de la recession.
Al delà de tot aquò, l’organisme dirigit per Christine Lagarde a soslinhat que, malgrat que la competitivitat se siá melhorada mejançant la casuda dels salaris, las reformas estructuralas se son estancadas e an pas atengut de melhoraments dins la productivitat. Ça que la, lo rapòrt soslinha tanben que lo programa de salvament a atengut de notables succèsses. En concret, qu’a permés de manténer Grècia dins la Zòna Èuro, d’aténher una “fòrta consolidacion fiscala” e de plaçar lo sistèma de pensions sus un camin “viable”.
A tanben constatat qu’aquel salvament a evitat lo risc de contagion dins d’autras economias del sud d’Euròpa.
A reconegut tanplan que s’es restaurada la fisança dels mercats, que lo sistèma bancari a perdut 30% dels depauses e que lo deute public es estat tròp naut, çò qu’a obligat de lo restaurar e a originat de damatges collaterals dins las balanças de las bancas, qu’èran ja flacas a causa de la recession.
Al delà de tot aquò, l’organisme dirigit per Christine Lagarde a soslinhat que, malgrat que la competitivitat se siá melhorada mejançant la casuda dels salaris, las reformas estructuralas se son estancadas e an pas atengut de melhoraments dins la productivitat. Ça que la, lo rapòrt soslinha tanben que lo programa de salvament a atengut de notables succèsses. En concret, qu’a permés de manténer Grècia dins la Zòna Èuro, d’aténher una “fòrta consolidacion fiscala” e de plaçar lo sistèma de pensions sus un camin “viable”.
A tanben constatat qu’aquel salvament a evitat lo risc de contagion dins d’autras economias del sud d’Euròpa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pecat con·hessat, pecat perdonat… aquò rai ! que va per aqueth còp, mes n'i tornetz pas… ⸮
En passant, be m'espanta a tot còp coma la competivitat e va miélher quan baishan los salaris. D'on deduseishi que'us caleré suprimir : tot aqueth monde qui vòlen estar pagats, n'an pas cap sens civic.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari