Un cinquantenat d’obrièrs d’Spanghero manifestèron dijòus passat davant l’entrepresa Labeyrie a Sant Jors de Maremna. Èran partits de nuèch de Castèlnòu d’Ari (Lauragués) per manifestar ailà en defendent lor emplec. Labeyrie es una filiala de Lur Berri, l’ostal maire d’Spanghero SA, e es especializada en la produccion de fetge gras e de salmon fumat.
Los manifestants empediguèron los camions d’entrar e de sortir, mas empediguèron pas lors collègas d’anar al trabalh. “Sèm pas per empedir los nòstres collègas de Lur Berri d’exercir lor activitat mas per manifestar lo nòstre chepic e malcontentament concernissent las seguidas del plan social”, çò disiá a l’AFP Michel Cecomandi, membre del collectiu de salariats d’Spanghero. Del sieu costat, Jean Aparicio disiá a L’Indépendant que lor aviá calgut “jaire al sòl, en travèrs de l’estrada, per que passèsson pas” los camions. Aparicio, pòrtavotz dels trabalhadors d’Spanghero en lucha, explicava tanben que foguèron “aculhits frejament, amb los ussièrs. Lur Berri refusa encara d’intrar en contacte amb nosautres, contunhan de nos ignorar. Aquò implica que las accions contunharàn”.
Aparicio explicava que los salariats de Castèlnòu d’Arri son dins una situacion inadmissibla: “avèm trabalhat tres ans amassa e fins a uèi aviam pas res de reprochar a Lur Berri, ni tanpauc dins lo plan social. Del nòstre costat sèm estats exemplars. Alavetz comprenèm pas. Uèi lo divòrci es amar”.
Es per aquò que tornèron manifestar ièr divendres al Bascoat a Sant Palais (Donapaleu en basco), davant la sedença de Lur Berri. La tòca de la protèsta es de sensibilizar los agricultors e los principals clients de la cooperativa basca sus “las practicas” de Lur Berri. “Vòlon far saber tanplan als nòstres collègas que trabalhan a Lur Berri, qu’an un problèma amb lor entrepresa, se pòdon esperar a çò pièger”, çò disiá lo delegat sindical Jérôme Lagarde.
Los salariats d’Spanghero an declarat que contunharàn las accions lo temps que caldrà per evitar lo barrament de l’usina de Lauragués e manténer lors emplecs.
Los manifestants empediguèron los camions d’entrar e de sortir, mas empediguèron pas lors collègas d’anar al trabalh. “Sèm pas per empedir los nòstres collègas de Lur Berri d’exercir lor activitat mas per manifestar lo nòstre chepic e malcontentament concernissent las seguidas del plan social”, çò disiá a l’AFP Michel Cecomandi, membre del collectiu de salariats d’Spanghero. Del sieu costat, Jean Aparicio disiá a L’Indépendant que lor aviá calgut “jaire al sòl, en travèrs de l’estrada, per que passèsson pas” los camions. Aparicio, pòrtavotz dels trabalhadors d’Spanghero en lucha, explicava tanben que foguèron “aculhits frejament, amb los ussièrs. Lur Berri refusa encara d’intrar en contacte amb nosautres, contunhan de nos ignorar. Aquò implica que las accions contunharàn”.
Aparicio explicava que los salariats de Castèlnòu d’Arri son dins una situacion inadmissibla: “avèm trabalhat tres ans amassa e fins a uèi aviam pas res de reprochar a Lur Berri, ni tanpauc dins lo plan social. Del nòstre costat sèm estats exemplars. Alavetz comprenèm pas. Uèi lo divòrci es amar”.
Es per aquò que tornèron manifestar ièr divendres al Bascoat a Sant Palais (Donapaleu en basco), davant la sedença de Lur Berri. La tòca de la protèsta es de sensibilizar los agricultors e los principals clients de la cooperativa basca sus “las practicas” de Lur Berri. “Vòlon far saber tanplan als nòstres collègas que trabalhan a Lur Berri, qu’an un problèma amb lor entrepresa, se pòdon esperar a çò pièger”, çò disiá lo delegat sindical Jérôme Lagarde.
Los salariats d’Spanghero an declarat que contunharàn las accions lo temps que caldrà per evitar lo barrament de l’usina de Lauragués e manténer lors emplecs.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Solidaritat amb aquelos d'Spanghero que ríscan de perdre lor emplec !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari