L’èx-president sud-african Nelson Mandela es estat espitalizat après tornar tombar malaut per una infeccion palmonica, çò anoncièt ièr la Presidéncia del país dins un comunicat. Après qualques jorns en essent afectat per aquela infeccion, la santat de Mandela pejorèt ièr, dissabte de matin, e lo menèron dins un espital de Pretòria ont intrèt en estat grèu. Segon la Presidéncia, “sa condicion es establa”.
 
Lo pòrtavotz del govèrn sud-african, Mac Maharaj, insistiguèt ièr que la santat de Mandela ès grèva. “Aqueste còp la situacion es grèva, mas los mètges garentisson que Mandela se pòrta comòde”, çò diguèt en una television locala.
 
Mandela, dins sos 94 ans, foguèt ja espitalizat en decembre passat e al començament de març per una infeccion palmonica.