En Libia, la manifestacion contra una milícia armada sostenguda pel Ministèri de la Defensa s’acabèt amb de desenats de mòrts e de ferits. Se passèt dissabte passat a la vila de Bengazi, mila quilomètres a l’èst de la capitala, Trípol, quand un grop de personas protestava en demandant lo desmantelament de totas las milícias e la restauracion de las fòrças de seguretat regularas.
 
Los manifestants s’acampèron davant lo quartièr general de la milícia nomenada Escut de Libia. Los milicians faguèron fuòc contra la multitud. La chifra de las victimas es a aumentar. Lo darrièr bilanç, segon los pòrtavoses dels espitals de Bengazi, es de 27 mòrts e 50 ferits.