Actualitats
Lo papa Francés a admés l’existéncia d’un lobby gai al Vatican
Segon qualques mèdias, o auriá reconegut en una amassada amb de religioses sud-americans la setmana passada
Lo papa Francés auriá admés qu’al Vatican i a, e i fonciona, un lobby gai. “Dins la cúria i a de gents santas. Mas i a tanben un corrent de corrupcion, es vertat. Se parla del «lobby gai» e, vertat es, i es e cal veire çò que i podèm far”, auriá dich dijòus, segon lo portal chilen Reflexión y Liberación, pendent una amassada amb lo conselh director de la Confederacion Latinoamericana e Caribenca de las Religiosas e dels Religioses (CLAR).
Lo jornal italian La Stampatanplan a mençonat aquelas frasas. Lo sieu jornalista especializat al Vatican, Andrea Tornielli, ditz sus l’amassada de la setmana passada que lo papa aviá tanben parlat del lobby gai.
Fa temps que se parla de luchas de poder dins lo Vatican, amb de cases de malversacion economica e de relacions omosexualas dins la cúria romana. De fach, qualques mèdias atribuiguèron quitament la demission de Beneset XVI al fach de descobrir aquel grop de poder gai e de lors cantatges. Oficialament, la Santa Ses aviá totjorn negat aquel lobby.
Lo jornal italian La Stampatanplan a mençonat aquelas frasas. Lo sieu jornalista especializat al Vatican, Andrea Tornielli, ditz sus l’amassada de la setmana passada que lo papa aviá tanben parlat del lobby gai.
Fa temps que se parla de luchas de poder dins lo Vatican, amb de cases de malversacion economica e de relacions omosexualas dins la cúria romana. De fach, qualques mèdias atribuiguèron quitament la demission de Beneset XVI al fach de descobrir aquel grop de poder gai e de lors cantatges. Oficialament, la Santa Ses aviá totjorn negat aquel lobby.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo Francés confirma l'exiténcia d'un lobby gay al Vatican? Per veire se lo trapan un matin qu'a estirat la camba amb lo Kempis dins las mans coma Joan Pau Ièr.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari