Lo projècte pilòt e-Pastura permetrà que los pastors dels Pirenèus pòscan contrarotlar lors avers a distància, dempuèi l’ecran d’un ordenador o gràcias a de dispositius portatils coma de tauletas o d’esmartfòns.
Las nòvas tecnologias de l’informacion e la comunicacion son a revolucionar lo noirigatge. Un bon exemple d’aqueles cambiaments es lo projècte pilòt e-Pastura, que cèrca d’ajudar als pastors pirenencs per lo contraròtle dels tropèls.
Per mejan de colars dotats de sistèmas de geolocalizacion via satellit, los pastors poiràn obténer de donadas sus l’estat de santat dels caps de bestial, e tanben lor emplaçament. Al delà, amb aquel projècte pilòt se vòl tanben trobar la faiçon d’interagir amb l’aver, mejançant de senhals coma de sons, de vibracions o d’impulsions electricas, per influir dins l’emplaçament del tropèl e lo menar endacòm a distància. Aquò evitariá l’installacion de barrièras fisicas, en preservant lo païsatge e en estalviant de còstes.
La primièra fasa d’experiment s’es facha al Prat d’Albis, a Praiòls (País de Fois-Seron) , e la segonda se debanarà en 2014 al Bascoat.
E-Pastura es un projècte pilòt dedins lo projècte de cooperacion transfrontalièra AGRIPIR.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aital los pastres sentiran pas pus la feda. Anam cap a un mond sens chuc ni muc. Té! E perqué se fa pas çò meteis amb lo brave mond? Amb un colar tanben, per pas confondre amb los qu"an ja un braçalet a la cavilha. Aital s'estalviarián los sondatges per saupre, per exemple, ont van passar las vacanças. E i auriá pas mai de garrolhas per dire s'èran 5000 o un milion a la manifestacion. Mas, es que siái piòt! Avèm ja lo telefonet per aquò far.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari