Actualitats
San Domino, “l’illa gai” de l’Itàlia faissista
Lo regim de Benito Mussolini confinèt de desenats d’omosexuals dins una illa-preson de la Mar Adriatica, fa setanta cinc ans
L’illa de San Domino fa partida de l’archipèla de las Tremiti, dins la Mar Adriatica. Près de la vila italiana de Foggia (Polha), es una destinacion toristica d’estiu. Mas fa setanta cinc ans, aquel pichon paradís toristic foguèt un infèrn per qualques gents. Lo regim faissista de Benito Mussolini, exaltator de la virilitat e la masculinitat de l’òme italian, embarrèt dins aquela illa un centenat de gais e de transexuals, nomenats despectivament “degenerats” e “pederastas” per los separar d’una societat ont l’omosexualitat èra inconcebabla.
L’istòria de la preson de San Domino es passada inavertida pendent fòrça ans, e mai se i a de gents que l’an estudiada. Aquesta setmana, a l’escasença del setanta cinquen anniversari de l’establiment del camp de reclusion, una longa lista d’entitats en favor dels dreches dels omosexuals i es anada per far un omenatge als que i foguèron confinats.
Coma o explica aqueste vast reportatge que li consagra la BBC, la paradòxa es que qualques unes dels presonièrs dels faissistas experimentèron a San Domino un cèrta libertat al sen d’una comunautat dobèrtament omosexuala, malgrat que foguèsson jos regim penitenciari.
Una granda partida dels empresonats dins l’archipèla èran d’omosexuals de la region de Catània, a causa del testarditge d’un prefècte de la polícia que s’impausèt d’arrestar “l’estenduda de la degeneracion” en Sicília e que, en 1938, envièt quaranta cinc òmes a San Domino, a sièis cents quilomètres d’en cò lor.
L’istòria de la preson de San Domino es passada inavertida pendent fòrça ans, e mai se i a de gents que l’an estudiada. Aquesta setmana, a l’escasença del setanta cinquen anniversari de l’establiment del camp de reclusion, una longa lista d’entitats en favor dels dreches dels omosexuals i es anada per far un omenatge als que i foguèron confinats.
Coma o explica aqueste vast reportatge que li consagra la BBC, la paradòxa es que qualques unes dels presonièrs dels faissistas experimentèron a San Domino un cèrta libertat al sen d’una comunautat dobèrtament omosexuala, malgrat que foguèsson jos regim penitenciari.
Una granda partida dels empresonats dins l’archipèla èran d’omosexuals de la region de Catània, a causa del testarditge d’un prefècte de la polícia que s’impausèt d’arrestar “l’estenduda de la degeneracion” en Sicília e que, en 1938, envièt quaranta cinc òmes a San Domino, a sièis cents quilomètres d’en cò lor.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
de que vou dire experimentar una certa libertat al sen d'una coumunautat dobèrtament omosexuala ? aquo mostra l'estupiidat fonsa d'aquela mesura faissista, que....sai pas trop coma lo dire , quenta que sià l'expression o lei mots emplegats, me farai totjorn trata d'omofob e de facho_ coma ara an tendencia a estre ansin estimagtizar totei aquelei qu'an manifestat contra lo maridatge gay, reflechissèm (ieu ai jamai soscat de ma vida e voli pas pas començar vuei,) reflechissem, perpensem que s'atroba ja enco dei trobadors, curem se lei cervèlas, benlèu que.... me sembla... trantralhi, enfin, mandem se a l'aiga, me sembla que i aurié pogut aguer de punicion pus terribla, vist que regnava una certa libertat experimentala...
Mercés a-n-aqueste article plan instructiu, que nos permet d'un clunhat d'uèlh d'identificar la natura de l'ideologia que s'amaga (a pro pena) darrièr l'oposicion al maridatge omosexual a França, o endacòm mai…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari