Actualitats
Hollande venç Sarkozy e presidirà la Republica Francesa
Lo nòrd a votat majoritàriament la drecha e lo sud, Occitània compresa, a favorit los socialistas
Lo candidat socialista François Hollande serà lo nòu president de la Republica Francesa après véncer, per 3%, l’actual president Nicolas Sarkozy. Lo socialisme francés recupèra aital la presidéncia de la Republica après 17 ans, dins un encastre de grèva crisi economica e sociala.
Com d'abitud en las eleccions francesas de quina sòrta que siá, lo nòrd a votat majoritàriament la drecha e lo sud, Occitània compresa, a favorit los socialistas. Malgrat que la victòria socialista es estada per un marge estrech, es clar que Sarkozy a fracassat dins lo sieu ensag d’atraire los votants del Front Nacional (FN). A aquel fach cal apondre la causida de François Bayrou de votar per Hollande, e mai siá estada personala.
Pauc après confirmar la siá victòria, lo novèl president elegit a fach un primièr discors: qu’a mercejat l’esfòrç dels sieus seguidors e tanplan a mercejat los franceses que l'an sostengut, mas a apondut que serà un president “de totes los ciutadans”. E mai, a mes tanben en evidéncia qu'una de las siás prioritats, coma a ja dich sovent pendent la campanha, seràn los joves franceses e la lor manca de perspectivas de futur.
Cal admetre que Sarkozy es estat rapid a reconéisser la siá desfacha. “Ieu pòrti tota la responsabilitat d'aquela desfacha”, a afirmat davant los sieus seguidors. En un gèst ges abitual, lo candidat de l'UMP a felicitat Hollande e li a desirat “de tot còr que França capite de traversar las espròvas”. Pauc après a abandonat la siá sedença electorala e se n'es tornat a l’Elisi.
Ièr mesme, amb una rapiditat estonanta, la cancelariá d’Alemanha emetèt un comunicat que vantava la siá collaboracion amb Sarkozy pendent totas aquelas annadas e mostrava la siá fisança de manténer la meteissa cooperacion amb Hollande. Alavetz, a degun se li escapa pas que las politicas economicas qu'aplique Hollande seràn analisadas al detalh pel rèsta dels sòcis europèus, ja que lo pes especific de França dins l'UE es fondamental.
Dins aquel sens, lo programa electoral socialista a agut, coma es logic dins un temps de crisi, un fòrt compausant economic. Entre las siás mesuras mai conegudas, que d’aquí gaire deurà implementar, i a una reforma del sistèma fiscal e bancari, la derogacion de l’aument de la TVA, l'establiment de mesuras contra l’especulacion e la fraudariá fiscala, la supression de las exempcions fiscalas e l'establiment d'una taxa de 75% pels ciutadans franceses qu'ajan un salari de mai d’un milion d’èuros. Al delà de l’economia, Hollande s’es engatjat a legalizar lo maridatge omosexual, a crear mai d'emplecs per los professors e a revisar l'immunitat del president de la Republica.
Per rapòrt al modèl d’Estat, Hollande a pas donat tròp d’expectativas a una descentralizacion administrativa e politica reala, malgrat que foguèt lo PS que comencèt, de la man de François Mitterrand, la reforma territoriala francesa. Per contra, lo nòu president s’es mostrat tostemps partidari d’un cèrta reconeissença e projeccion de las lengas dichas regionalas de França, en prometent quitament la ratificacion de la Carta Europèa de las Lengas Regionalas e Minoritàrias. Per exemple, la siá declaracion sul aquel subjècte foguèt lo 4 d’abril, quand afirmèt que “la Republica n’a res a témer e farai, en aquela revision constitucionala, votar una disposicion que permetrà de ratificar fin finala la Carta de las Lengas Regionalas, per qu’aquelas lengas —sens que menacen la lenga oficiala, la mai polida lenga que siá, la lenga francesa—, pòscan èsser difondudas e ensenhadas".
La passacion del poder de Sarkozy a Hollande es fixada pel 15 de mai.
Pauc après confirmar la siá victòria, lo novèl president elegit a fach un primièr discors: qu’a mercejat l’esfòrç dels sieus seguidors e tanplan a mercejat los franceses que l'an sostengut, mas a apondut que serà un president “de totes los ciutadans”. E mai, a mes tanben en evidéncia qu'una de las siás prioritats, coma a ja dich sovent pendent la campanha, seràn los joves franceses e la lor manca de perspectivas de futur.
Cal admetre que Sarkozy es estat rapid a reconéisser la siá desfacha. “Ieu pòrti tota la responsabilitat d'aquela desfacha”, a afirmat davant los sieus seguidors. En un gèst ges abitual, lo candidat de l'UMP a felicitat Hollande e li a desirat “de tot còr que França capite de traversar las espròvas”. Pauc après a abandonat la siá sedença electorala e se n'es tornat a l’Elisi.
Ièr mesme, amb una rapiditat estonanta, la cancelariá d’Alemanha emetèt un comunicat que vantava la siá collaboracion amb Sarkozy pendent totas aquelas annadas e mostrava la siá fisança de manténer la meteissa cooperacion amb Hollande. Alavetz, a degun se li escapa pas que las politicas economicas qu'aplique Hollande seràn analisadas al detalh pel rèsta dels sòcis europèus, ja que lo pes especific de França dins l'UE es fondamental.
Dins aquel sens, lo programa electoral socialista a agut, coma es logic dins un temps de crisi, un fòrt compausant economic. Entre las siás mesuras mai conegudas, que d’aquí gaire deurà implementar, i a una reforma del sistèma fiscal e bancari, la derogacion de l’aument de la TVA, l'establiment de mesuras contra l’especulacion e la fraudariá fiscala, la supression de las exempcions fiscalas e l'establiment d'una taxa de 75% pels ciutadans franceses qu'ajan un salari de mai d’un milion d’èuros. Al delà de l’economia, Hollande s’es engatjat a legalizar lo maridatge omosexual, a crear mai d'emplecs per los professors e a revisar l'immunitat del president de la Republica.
Per rapòrt al modèl d’Estat, Hollande a pas donat tròp d’expectativas a una descentralizacion administrativa e politica reala, malgrat que foguèt lo PS que comencèt, de la man de François Mitterrand, la reforma territoriala francesa. Per contra, lo nòu president s’es mostrat tostemps partidari d’un cèrta reconeissença e projeccion de las lengas dichas regionalas de França, en prometent quitament la ratificacion de la Carta Europèa de las Lengas Regionalas e Minoritàrias. Per exemple, la siá declaracion sul aquel subjècte foguèt lo 4 d’abril, quand afirmèt que “la Republica n’a res a témer e farai, en aquela revision constitucionala, votar una disposicion que permetrà de ratificar fin finala la Carta de las Lengas Regionalas, per qu’aquelas lengas —sens que menacen la lenga oficiala, la mai polida lenga que siá, la lenga francesa—, pòscan èsser difondudas e ensenhadas".
La passacion del poder de Sarkozy a Hollande es fixada pel 15 de mai.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Totalament cossent damb Alícia, es un racista. E caldriá pensar a perqué un estat que se tròba en lo còr d'Euròpa, que n'es una pèça tan fondamentala, o es tant. Parlam pas de Turquia, ni d'Espanha, parlam de França
Hollande es mai que mai un elegit de Bretanha e de l'Aquitània granda (de Leir al Lengadòc). Normalament, quò lo deu menar a mai de decentralizacion ...
Un còp de vin!
Un còp de pè al Sarkozy!
Ara, mèfi! Que Francés lo II nos fague pas coma Francés lo Ièr (pas lo rei, l'autre) amb las lengas. Sembla pas que se siague mainat de la valor dels trobadors de son parçan -parçan d'adopcion per sa carrièra politica, pas per afinitat o curiositat culturala. En mai d'aquò, es enrodat de qualques jacobins caputs.
Ieu, era arser a Tula per los resultats. Lo Francés a mercejat los Tulauds mai los Corresians de lor ajuda (segur avem votar a 65 de cent per ilh) e de lor complicitat de las annadas de temps. Eram contents sus la Plaça de la catedrala, d'esser visat per la planeta .
Eram pas pauc fiar ! Mas ne'n chau pas doblidar tot parier que lo Lemosin-Bas (la Corresa actuala) es la patria daus Trobadors, mai dau chanonge Jasep Ros, autor de "La Chansou Lemouzina" escricha dins la grafia daus trobadors, emai de Marcela Depastre. Manca pus d'esser fiar de la nòstra lenga !
Es important d'èsser atentius a çò que lo nòvel president de França respeite sos engatjaments. A la diferença de la segonda mitat de la presidença Sarkozy ont èra clar qu'èra opausat a tota evolucion per l'occitan e las lengas autras que lo francés, lo discors e lo programa de Hollande son dubèrts. Prepausa enfin d'avançaas per l'occitan : adaptacion de la constitucion per la ratificacion de la charta en primier, estatut, emplec e visibilitat de la lenga en segond. Chalrà velhar a çò que rèste dubèrt e que de passas passas tradicionals, coma los arguments de l'economia, de l'excepcion francesa ò lo temps passant, faguèsson eissubliar los engatjaments per l'avenir solide de l'occitan. En l'equipa dau futur govèrn, chal esperar que veirem las personas que son au fial per ben lo conselhar. Alícia a rason de notar que -en demai dau jacobinisme- la tentacion de l'iper nacionalisme francés es un dangier ben conoissut a drecha... mas existe parier a gaucha ! Lo passat imperialista francés laissa de traças tantben. Chal qu'arrestèsson de pensar en França que totas las civilisacions/ lengas se vàlon pas. E justament, se sèm en aquela situacion, es perqué l'estat a longtemps agut una vision arcaïca e blocaa sus ben de subjeits, economics, administratius, la vision de l'autre coma sus l'occitan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari