En passant per las carrèras de Tolosa aqueste dissabte 15 de junh, en mei de la Gay Pride, qu’auretz pogut véder mond coucats suu quitran, vestits de roi davant ua camioneta “sonorizacion” que difusava òrres crits de bèstias a l’agonia. Ua contestacion “trash” contra los navèths dreits deus omosexuaus? Que non!
Tot aqueth mond que manifestavan entà barrar los tuaders e abolir l’alimentacion carnivòra. E scènas similaras que’s passèn a París, Istambol, São Paulo, Londres, Toronto e Rio de Janeiro.
La marcha de Tolosa qu’amassè entre 155 e 200 personas vengudas mei que mei d’Occitània, devath bandèras d’associacions pròvegetarianas coma Animal Amnistie o L214.
Que comencè per presas de paraulas davant l’ancian tuader de Tolosa, reconvertit en musèu. Puish lo cortegi que la gahè tau mètro Capitòli au darrèr de la camioneta-sonorizacion que deishava ua traça de sang. Faussa sang, solide. Mes los crits que hasè enténer qu’èran autentics, eths, enregistrats dens tuaders vertadèrs.
Un deus manifestants que prengó la paraula en occitan. Aquí ua partida deu son devís: “Cada duas minutas, sus la planeta, tuan mes de vidas que totas las victimas de la Primèra Guèrra Mondiala. E la rason d’aqueth chaple es plan mei absurda enqüèra que las que justifiquèn aquera guèrra. Entà la glòria de la pàtria? Entà defénder lo país? Entà la victòria o la libertat? Entà l’aunor e l’orguelh? Que non, arren de tot aquò. Tuan, escanan e massacran per çò que manjar la carn d’autes animaus, «aquò es tròp bon». (...) Que vau lo plaser d’un tròç de carn quand sabèm çò que còsta a la bèstia que li panan: ua corta vida de misèria e ua mòrt brutala. Mes aquò, non ac vòlen pas saber, non i vòlen pas pensar, que non an pas solament lo coratge e que’us copariá l’apetís.”
Que i agó tanben eslogans e ua cançon en lenga nòsta. Lo rèsta en francés. Au delà de la revendicacion d’aqueras personas, quauques hèits qu’estón tanben raperats per la pòrtaparaula de Fermons-les-abattoirs.org:
— 600 milions de personas per lo Mond que son ja vegetarianas.
— Lo sector economic de l’elevatge qu’emet mei de CO₂ actuaument que lo deus transpòrts.
— Estudis scientifics que pròvan despuish longtemps que las bèstias an ua sensibilitat a la dolor similara a la nòsta.
Se la màger part deus tolosans e passèn davant aqueth seguici indiferents, daubuns que muishèn simpatia, aprobacion o desaprobacion... dab mei o mensh d’amabilitat, mes los conflictes que demorèn verbaus. Aquera marcha internacionala que seguiva la de 2012 a París e Castras e ua auta qu’ei ja prevista per 2014.
Pascau Sebat
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#28 Quan disetz « E se per en cas, gents coma vos ne venián las victimas, pènsi qu’apreciarián mon discors. Benlèu solament a-n-aquel moment, e visiblament pas abans, malaürosament… », n’i a pas sonque un trabuc : n’avetz pas CAP idea de la mia simpatia de cap a victimas de crimis o de sevicis dens lo monde, e n’avetz pas CAP element tà ne jutjar.
Parièr entà « causas que fasetz » : lo chepic qu’ei, un còp mei, n’atz pas cap idea de las « causas qui hèi » pr’amor n’èi pas indicat enlòc de qu’èri jo medish un minjacarn.
Qu’èi dit comparar los minjacarn dab los pedofiles que passèva mesura e qu’èra un vitupèri, pas un argument ; e qu’ac mantieni.
E qu’estó pro entà m’atraçar jutjaments shens cap rapòrt dab çò qu’èi dit.
Qu’èi dit tanben enlòc mei que :
- soi contra lo neurissatge / tuatge industriau ;
- lo monde que deurén redusir lo lor consum de carn (redusir, pr’amor ne crei pas que ns’i escaderam de uei en doman a cambiar lo regimi de l’umanitat, ancrat dens milèrs o milions d’ans d’abituds alimentàrias qui s’aprenen a la natura autanplan com a la cultura).
Aquò dit (e adara que’n podetz parlar pr’amor qu’ac disi) que soi efectivament carnivòr (o melhor dit omnivòr) pr’amor d’aver estat… neurit atau de mainatge enlà. Daishar completament de minjar carn, n’i soi pas parat per un sarròt de rasons, màgerment practicas. Que hèi personauments fòrças causas mei que d'aute monde ne hèn pas, e que m’i hèi a cambià’m jo medish tròç a tròç, shens nat quéhar d’anatèmas.
Un darrèr detalh. Que’s veden mei anar mei d’estudis qui aparan l’idea de l’intelligéncia e de la sensibilitat animaus. Ne’n soi pas susprés. Pr’amor d’aquò la lei que’us deuré lhèu deféner melhor (e la societat qu’ei a evoluir dens aqueth sens : tant de bon).
Doncas la lei « les deuriá aparar e defénder les agissaments egoïstas ».
Òc-ben per la purmèra part — protegir los animaus contra la sofrença o lo mautractar —, non pas per la segonda part — la qui sap a l’ordi morau.
Dens las societats on la lei e combat l’immoralitat, qu’an ua propencion a acalhavar los omosexuaus e los adultères. Pas dens la societats on la lei e protegeish (o vòu protegir) las personas e l’interès generau.
Los pairs que’ns pòden díser « panar qu’ei ço de mau » o « qu’ei egoïste ». Lo jutge ne puneish pas lo panaire « pr’amor qu’ei egoïste ». Que’u puneish pr’amor qu’aplica la lei e la lei qu’ei çò qui tien la societat amassas.
#27 Cèrqui pas a criminalizar las personas: èm totis bonhats dins la mèma sopa de carnisme. Çò que considèri criminal son les fèits que fèn tant de tòrt a las bèstias. Pènsi que la lei –se servís a quicòm– les deuriá aparar e defénder les agissaments egoïstas.
Es atal que l’escalvatge fusquèc abolit. Comencèc per una minoritat de gents consideradas coma extremistas que fasián la morala als autis. Mès se diguns aviá pas jamès fèit la morala a diguns dins le passat, l’umanitat seriá benlèu demorada dins la barbariá sauvatja la pus totala.
Per resumir: es pas contra vos que n’èi, es contra causas que fasètz.
#26 D’acòrd dab vos sus un punt : los navanta per cent de l’umanitat que son criminaus de l’un biais o de l’aute.
Urosament, que podem comptar sus « gens coma vos » (los dètz per cent de mei) entà preparar lo navèth òrdi morau e reeducar los estraviats.
Que savetz de « gens coma jo » ? Arren.
Badonc guàrdim mesura : no’m dísitz pas de criminau e jo ne’vs diserèi pas de faishista espés e intolerant.
#25 Fè nèisher qualqu’uns, le fèr viure dins condicions indecentas e dolorosas, l’escanar joen e brutalament per le se copar a tròces e le se chapar, cresi qu’es criminal, òc. E cresi que la lei ac deuriá defénder, coma defend les sevicis que patissen las victimas d’autis egoïsmes.
E se per en cas, gents coma vos ne venián las victimas, pènsi qu’apreciarián mon discors.
Benlèu solament a-n-aquel moment, e visiblament pas abans, malaürosament…
#24 Òc-ben Pimflòid, tu au mensh qu'as arguments sensats, de mei bon escotar (o léger) que non pas daishar enténer los minjacarn que son criminaus pégers que non pas pedofiles (las victimas deus quaus e pòden apreciar).
Que pensi coma tu (e qu'ac èi escriut enlòc mei) : que se ns'estaré miélher de har viéner hruta e legumatge entà minjar, que non pas pradas entà neurir bèstias entà minjar-las. Autandas seuvas o de marescs d'estauviats, shens mentàver l'aire entà aledar e l'aiga entà búver.
Çaquelà m'estoni se i son estudis sus quanta susfàcia lauradera auràn besonh entà neurir los dètz miliards de monde prevists tà l'an 2100 — e sustot : quin tipe d'agricultura e senhoregerà ? Sèi pas perqué, mes poish pas està'm de dobtar se serà la "biologica"… Praubas abelhas, que se'n van amassar de totas (se n'i a de rèsta).
De mei quan parli de suberpopulacion, que pensi shens qu'au minjar. Los besonhs energetics e materiaus umans qu'an un endom tau que n'ac sabem pas sonque arrueinar e vueitar tot. En China que'n son ad arrasar montanhas entà bastí's las vilas. Pertot suu planeta lo sable — lo SABLE, vivant ! — que comença de hà's escàs.
E lo salopèr — lo continent de plastic qui flòta au bèth miei de cada mar grana… lo trafic maritime e aerian qui s'espandeishen mei anar mei…
Dètz miliards : estimacion baisha. Dinc a setze miliards au mei haut. Mes d'aquò ne cau pas parlar : tabó ! maishant maltusian lo qui soi ! Lo bon dIU qu'a dit "creishetz e multiplicatz-ve" e lo bon dIU ne's pòt pas enganar (autament ne seré pas lo bon dIU).
Que soi per la descreishuda cap e tot, mes n'i credi pas. Tròps empachs culturaus.
Be me'n foti totun. Tà jo 2100 o l'an de la gratèra, b'ei parièr : bèth temps aurà que herèi topins.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
#28 Quan disetz « E se per en cas, gents coma vos ne venián las victimas, pènsi qu’apreciarián mon discors. Benlèu solament a-n-aquel moment, e visiblament pas abans, malaürosament… », n’i a pas sonque un trabuc : n’avetz pas CAP idea de la mia simpatia de cap a victimas de crimis o de sevicis dens lo monde, e n’avetz pas CAP element tà ne jutjar.
Parièr entà « causas que fasetz » : lo chepic qu’ei, un còp mei, n’atz pas cap idea de las « causas qui hèi » pr’amor n’èi pas indicat enlòc de qu’èri jo medish un minjacarn.
Qu’èi dit comparar los minjacarn dab los pedofiles que passèva mesura e qu’èra un vitupèri, pas un argument ; e qu’ac mantieni.
E qu’estó pro entà m’atraçar jutjaments shens cap rapòrt dab çò qu’èi dit.
Qu’èi dit tanben enlòc mei que :
- soi contra lo neurissatge / tuatge industriau ;
- lo monde que deurén redusir lo lor consum de carn (redusir, pr’amor ne crei pas que ns’i escaderam de uei en doman a cambiar lo regimi de l’umanitat, ancrat dens milèrs o milions d’ans d’abituds alimentàrias qui s’aprenen a la natura autanplan com a la cultura).
Aquò dit (e adara que’n podetz parlar pr’amor qu’ac disi) que soi efectivament carnivòr (o melhor dit omnivòr) pr’amor d’aver estat… neurit atau de mainatge enlà. Daishar completament de minjar carn, n’i soi pas parat per un sarròt de rasons, màgerment practicas. Que hèi personauments fòrças causas mei que d'aute monde ne hèn pas, e que m’i hèi a cambià’m jo medish tròç a tròç, shens nat quéhar d’anatèmas.
Un darrèr detalh. Que’s veden mei anar mei d’estudis qui aparan l’idea de l’intelligéncia e de la sensibilitat animaus. Ne’n soi pas susprés. Pr’amor d’aquò la lei que’us deuré lhèu deféner melhor (e la societat qu’ei a evoluir dens aqueth sens : tant de bon).
Doncas la lei « les deuriá aparar e defénder les agissaments egoïstas ».
Òc-ben per la purmèra part — protegir los animaus contra la sofrença o lo mautractar —, non pas per la segonda part — la qui sap a l’ordi morau.
Dens las societats on la lei e combat l’immoralitat, qu’an ua propencion a acalhavar los omosexuaus e los adultères. Pas dens la societats on la lei e protegeish (o vòu protegir) las personas e l’interès generau.
Los pairs que’ns pòden díser « panar qu’ei ço de mau » o « qu’ei egoïste ». Lo jutge ne puneish pas lo panaire « pr’amor qu’ei egoïste ». Que’u puneish pr’amor qu’aplica la lei e la lei qu’ei çò qui tien la societat amassas.
#27 Cèrqui pas a criminalizar las personas: èm totis bonhats dins la mèma sopa de carnisme. Çò que considèri criminal son les fèits que fèn tant de tòrt a las bèstias. Pènsi que la lei –se servís a quicòm– les deuriá aparar e defénder les agissaments egoïstas.
Es atal que l’escalvatge fusquèc abolit. Comencèc per una minoritat de gents consideradas coma extremistas que fasián la morala als autis. Mès se diguns aviá pas jamès fèit la morala a diguns dins le passat, l’umanitat seriá benlèu demorada dins la barbariá sauvatja la pus totala.
Per resumir: es pas contra vos que n’èi, es contra causas que fasètz.
#26 D’acòrd dab vos sus un punt : los navanta per cent de l’umanitat que son criminaus de l’un biais o de l’aute.
Urosament, que podem comptar sus « gens coma vos » (los dètz per cent de mei) entà preparar lo navèth òrdi morau e reeducar los estraviats.
Que savetz de « gens coma jo » ? Arren.
Badonc guàrdim mesura : no’m dísitz pas de criminau e jo ne’vs diserèi pas de faishista espés e intolerant.
#25 Fè nèisher qualqu’uns, le fèr viure dins condicions indecentas e dolorosas, l’escanar joen e brutalament per le se copar a tròces e le se chapar, cresi qu’es criminal, òc. E cresi que la lei ac deuriá defénder, coma defend les sevicis que patissen las victimas d’autis egoïsmes.
E se per en cas, gents coma vos ne venián las victimas, pènsi qu’apreciarián mon discors.
Benlèu solament a-n-aquel moment, e visiblament pas abans, malaürosament…
#24 Òc-ben Pimflòid, tu au mensh qu'as arguments sensats, de mei bon escotar (o léger) que non pas daishar enténer los minjacarn que son criminaus pégers que non pas pedofiles (las victimas deus quaus e pòden apreciar).
Que pensi coma tu (e qu'ac èi escriut enlòc mei) : que se ns'estaré miélher de har viéner hruta e legumatge entà minjar, que non pas pradas entà neurir bèstias entà minjar-las. Autandas seuvas o de marescs d'estauviats, shens mentàver l'aire entà aledar e l'aiga entà búver.
Çaquelà m'estoni se i son estudis sus quanta susfàcia lauradera auràn besonh entà neurir los dètz miliards de monde prevists tà l'an 2100 — e sustot : quin tipe d'agricultura e senhoregerà ? Sèi pas perqué, mes poish pas està'm de dobtar se serà la "biologica"… Praubas abelhas, que se'n van amassar de totas (se n'i a de rèsta).
De mei quan parli de suberpopulacion, que pensi shens qu'au minjar. Los besonhs energetics e materiaus umans qu'an un endom tau que n'ac sabem pas sonque arrueinar e vueitar tot. En China que'n son ad arrasar montanhas entà bastí's las vilas. Pertot suu planeta lo sable — lo SABLE, vivant ! — que comença de hà's escàs.
E lo salopèr — lo continent de plastic qui flòta au bèth miei de cada mar grana… lo trafic maritime e aerian qui s'espandeishen mei anar mei…
Dètz miliards : estimacion baisha. Dinc a setze miliards au mei haut. Mes d'aquò ne cau pas parlar : tabó ! maishant maltusian lo qui soi ! Lo bon dIU qu'a dit "creishetz e multiplicatz-ve" e lo bon dIU ne's pòt pas enganar (autament ne seré pas lo bon dIU).
Que soi per la descreishuda cap e tot, mes n'i credi pas. Tròps empachs culturaus.
Be me'n foti totun. Tà jo 2100 o l'an de la gratèra, b'ei parièr : bèth temps aurà que herèi topins.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari