Actualitats
Vòlon far de Sant Joan una fèsta nacionala dels Païses Catalans
Òmnium Cultural, organizacion que trabalha per la lenga catalana, es a intensificar aquestes jorns sa campanha per declarar Sant Joan coma Fèsta Nacionala dels Païses Catalans.
Remarcan qu’aquela fèsta se debana dempuèi qualques sègles dins totes los Païses Catalans. Soslinhan tanplan que la jornada a agut totjorn un “caire social, collectiu e ceremoniós”, çò qu’explica la siá continuitat al cors dels sègles, una vigéncia que li a permés de subreviure a diferentas situacions politicas e socialas al cors del temps.
Aperaquí 300 municipalitats sostenon aquela iniciativa.
En Occitània
En Occitània, Sant Joan es una fèsta que se debana tanben per tot lo país. La Fèsta de la Musica, d’encastre estatal francés, que se debana dos jorns abans, a fach pèrdre de vam a Sant Joan, qu’encara resistís. En las Valadas e en Aran, Sant Joan es encara una fèsta de las mai bèlas e i cal soslinhar las fèstas de Les e Arties.
Cèrts movements occitanistas son tanben a prepausar Sant Joan coma fèsta nacionala d’Occitània.
Remarcan qu’aquela fèsta se debana dempuèi qualques sègles dins totes los Païses Catalans. Soslinhan tanplan que la jornada a agut totjorn un “caire social, collectiu e ceremoniós”, çò qu’explica la siá continuitat al cors dels sègles, una vigéncia que li a permés de subreviure a diferentas situacions politicas e socialas al cors del temps.
Aperaquí 300 municipalitats sostenon aquela iniciativa.
En Occitània
En Occitània, Sant Joan es una fèsta que se debana tanben per tot lo país. La Fèsta de la Musica, d’encastre estatal francés, que se debana dos jorns abans, a fach pèrdre de vam a Sant Joan, qu’encara resistís. En las Valadas e en Aran, Sant Joan es encara una fèsta de las mai bèlas e i cal soslinhar las fèstas de Les e Arties.
Cèrts movements occitanistas son tanben a prepausar Sant Joan coma fèsta nacionala d’Occitània.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Perqué pas ne'n far una fèsta nacionala comuna de l'occitanocatalanitat ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari