Actualitats
Ceremònia de liurament dels prèmis Pompeu Fabra e Robèrt Lafont
L'escrivan e jornalista Manèl Zabala prenguèt lo prèmi autrejat a Felip Gardy, en son abséncia
Dissabte passat se debanèt a Barcelona l'acte conjonch de clavadura de l'An de la Paraula Viva e lo liurament dels Prèmis Pompeu Fabra e Robèrt Lafont.
Dins l'acte s'autregèt lo Prèmi Robèrt Lafont a Felip Gardy "per la siá contribucion notabla a la preservacion e difusion de las valors de la lenga occitana e del sieu patrimòni escrich dempuèi los domenis de la sciéncia e de la creacion literària".
Lo conselhièr de la Cultura, Ferran Mascarell, e lo president de l'Institut d'Estudis Catalans (IEC), Salvador Giner, presidiguèron l'acte amb lo sindic d'Aran, Carlos Barrera e la directritz generala de la Politica Lingüistica, Yvonne Griley, entre d'autres.
L'escrivan e jornalista Manèl Zabala prenguèt lo guerdon en abséncia de Felip Gardy.
Felip Gardy es un poèta, discípol de Robèrt Lafont. A escrich divèrsas òbras en occitan, dins las qualas se declara discípol de Max Roqueta e de Teodòr Aubanèu, e d'autras en francés sus la tematica occitana. Es professor de literatura occitana a l'Universitat Pau Valèri de Montpelhièr e a l'Universitat de Bordèu.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari