Actualitats
Brasil afronta una revòlta d’indignats
De manifestacions multitudinàrias dins las principalas vilas de Brasil contra las politicas del govèrn
Pendent la celebracion de la Copa Confederacions de fotbòl, qualques centenats de milièrs de brasilièrs prenguèron tornarmai las carrièras de las principalas vilas diluns de ser per protestar. Lor lista de planhs es longa: la qualitat dels servicis medicals e de l’educacion, la corrupcion, los còstes d’organizar la Copa Confederacions e la Copa del Mond de fotbòl, e los Jòcs Olimpics, la pojada dels prèses del transpòrt e l’excès de violéncia de la part de la polícia.
Las mobilizacions comencèron a São Paulo fa dètz jorns, amb una manifestacion d’aperaquí 1500 personas contra la pojada del prètz del transpòrt public. Mas a l’ora d’ara se son estendudas dins tot lo país. De fach, ja se considèra que son las manifestacions mai importantas dels darrièrs vint ans en Brasil.
La protèsta mai multitudinària se debanèt a Rio de Janeiro. Los mai de cent mila indignats ensagèron d’arribar a l’Estadi de Maracanã, ont dimenge i aguèt ja d’afrontaments amb la polícia abans la partida Itàlia-Mexic de la Copa Confederacions. Pauc après, un autre grop de manifestants anèt cap a l’Assemblada Legislativa; ailà los policièrs empleguèron de gases lacrimogèns contra los manifestants. Qualques unes respondèron amb de coctèls Molotov. Dins las autras vilas, las manifestacions se son debanadas sens incidents remarcables.
“Mens d’argent per la Copa del Mond, mens d’argent per las entrepresas de construccion, e mai d’argent per las escòlas e pels espitals”, çò an revendicat los indignats qu’an manifestat tanben a São Paulo, Brasília, Belo Horizonte, Porto Alegre e Belegam, e dins d’autras vilas brasilièras.
La presidenta del país, Dilma Rouseff, a dich que los joves an drech de manifestar s’o fan pacificament. Lo secretari general de la Presidéncia, Gilberto Carvalho, a anonciat que lo govèrn vòl dialogar amb los organizaires de las protèstas per saber qualas son las revendicacions qu’an menat tantas personas a manifestar.
Los mèdias del país parlan de susmautas, d’incendis de veituras, d’atacs de bancas e de botigas. Los movements socials planhon qu’aqueles mèdias, que presentan coma legitimas las protèstas de Turquia, presenten lor movement dels indignats brasilièrs coma de vandals.
Las mobilizacions comencèron a São Paulo fa dètz jorns, amb una manifestacion d’aperaquí 1500 personas contra la pojada del prètz del transpòrt public. Mas a l’ora d’ara se son estendudas dins tot lo país. De fach, ja se considèra que son las manifestacions mai importantas dels darrièrs vint ans en Brasil.
La protèsta mai multitudinària se debanèt a Rio de Janeiro. Los mai de cent mila indignats ensagèron d’arribar a l’Estadi de Maracanã, ont dimenge i aguèt ja d’afrontaments amb la polícia abans la partida Itàlia-Mexic de la Copa Confederacions. Pauc après, un autre grop de manifestants anèt cap a l’Assemblada Legislativa; ailà los policièrs empleguèron de gases lacrimogèns contra los manifestants. Qualques unes respondèron amb de coctèls Molotov. Dins las autras vilas, las manifestacions se son debanadas sens incidents remarcables.
“Mens d’argent per la Copa del Mond, mens d’argent per las entrepresas de construccion, e mai d’argent per las escòlas e pels espitals”, çò an revendicat los indignats qu’an manifestat tanben a São Paulo, Brasília, Belo Horizonte, Porto Alegre e Belegam, e dins d’autras vilas brasilièras.
La presidenta del país, Dilma Rouseff, a dich que los joves an drech de manifestar s’o fan pacificament. Lo secretari general de la Presidéncia, Gilberto Carvalho, a anonciat que lo govèrn vòl dialogar amb los organizaires de las protèstas per saber qualas son las revendicacions qu’an menat tantas personas a manifestar.
Los mèdias del país parlan de susmautas, d’incendis de veituras, d’atacs de bancas e de botigas. Los movements socials planhon qu’aqueles mèdias, que presentan coma legitimas las protèstas de Turquia, presenten lor movement dels indignats brasilièrs coma de vandals.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"La presidenta del país, Dilma Rouseff, a dit que los joves an dreit de manifestar s’o fan pacificament." La presidenta auriá degut precisir tanben qu'un govèrn que se vòl far passar per socilaista, coma lo de Hollande, per exemple, a lo dreit d'expleitar vergonhosament los paures e los umils als beneficis dels grands grops financièrs internacionals e dels grands accionaris o autres fons de pensions privats, s'o fan pacificament.
Lo problèma es tostemps estat e tostemps demorarà que s'un pòble manifèsta pacificament sonque, totes los cinics que manejan lo grand capitalisme internacional se'n chautan e se'n trufan. Mentre que quand comença enfin a pudir a carn rabastinada fins al fons de las plaças financièras, la musica càmbia un pauquet, e lo respècte degut al pòble democratic se'n torna, coma per asard !
# 4 & # 6 - Que soi cent per cent d’acòrd dab la persona de la video (« N’am pas mestièr d’estadis senon d’educacion, d’emplecs, etc. »), e tanben dab vosauts indignats, Estevam. Lo mite d’un Brasiu de progrès que se n’avien hòrt mau dab tot aqueth « World Cup business ». De fèit, en generau, que se n’avien mau dab l’ultraliberalisme mondializat. Lo progrès b’ei economic, aquò solide; sociau que demandi de véder, enviroamentau ja m’estoneré. Per tant, la mia crenta qu’ei aquesta navèra desbondada d’indignacion que herà com en d’autes país abans : ua setmana, un mes, un an lhèu de susmautas e puish — pffoit ! la veishiga que s’esloisherà. La rason n’ei pas que los pòbles n’an pas la volentat (o pas solament). Mes los govèrns en plaça que jògan dab lo temps e ua mescla finassa de repression (de crànher ací, mei que mei dab lo « prestigi » en jòc) e de promessas de hum (especiauments entà dividir). La politica deu « verd e blu, que’m foti de tu »… E fin finau, de tard o de d’òra, lo flaquèr que gaha e lo moviment que s’esperreca. E’s coordinèssin los indignats deu monde tot, qui sap çò qui capiterén ? Mes per on començar ? Cauma generau mondiau ? Jo n’èi pas cap idea, e n’ei pas lo liberòt deu praube sénher Hessel qui v’ac diserà, de tant qu’ei vueit (d’acòrd dab vos, en Pessamessa, sus aqueth puntòt e sonque) ! (Que’u podetz léger en occitan parièr, qu’ei sortit en bearnés a Per Noste : « Indignatz-ve ! » — mes demoratz los de qui cau e sustot, n’ànitz pas petar lo guarniment municipau…) # 6 - Avent dit tot aquò, los indignats brasilièrs que s’atraçan tota la mia simpatia. Hètz-v’i hòrt ! Amistats.
Adieu-siatz, amics e amigas occitans!
Soi brasilièr, e cresiái pas que qu'un jorn poiriái véser totas aquestas manifestacions que los brasilièrs son a far dins l'actualitat. Vòli plorar! Es dificil de créser que lo pòble brasilièr s'es desrevelhat e qu'es a luitar per sos dreits.
Los politicians de mon país fan pas que mentir e utilizar nòstre argent amb de causas inutilas per que lo mond entièr pense que sèm un país plan desvolopat, mentre los brasilièrs son a morir a las coas dels espitals e nòstre ensenhament public es una mèrda.
Sèm cansats! Podèm pas pus suportar! Sèm un dels países pus rics del mond e nòstre govèrn fa pas que getar nòstre argent! Lo pòble brasilièr vòl pas pus viure dins aquesta situacion! O podèm pas pus suportar!
Amistats, fraires e sòrres occitans!
#4 En anglés, mas de bon comprene per d'occitanofòns, que i a de sotatítols en portugués.
#3 Per ornamentar, una video que vira fòrça sus las rets socialas brasilièras, per comprendre e far comprendre un pauc melhor tot aquò (es en anglès)
http://www.youtube.com/watch?v=ZApBgNQgKPU
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari