L’eleccion de l’olèma Hasan Rowhani coma nòu president d’Iran a generat un cèrt estrambòrd dins lo país e en defòra, malgrat que las esperanças de cambiament sián moderadas. Cossí que siá, lo cambiament que pòt representar l’intrada de Rowhani al primièr plan politic iranian, almens, s’es ja notat dins los rets socials. Sul sieu compte oficial de Twitter, l’activitat del futur president es frenetica, amb de desenats de fiuladas tre l’eleccion, la majoritat en anglés.
 
Lo clergue, amb una educacion occidentala, sembla de voler atraire l’atencion del Mond sus la question iraniana, tanben via Twitter, per favorir una solucion al controvertit programa nuclear.