Actualitats
An publicat los noms d’aqueles qu’an d’argent en de paradises fiscals
Lo Consòrci Internacional dels Jornalistas d’Investigacion a amodat la basa de donadas Offshore Leaks
Una basa de donadas nomenada Offshore Leaks a publicat los noms dels individús que i a darrièr de companhiás e de fondacions secretas amb de comptes bancaris en de paradises fiscals.
S’agís d’una iniciativa del Consòrci Internacional dels Jornalistas d’Investigacion (ICIJ), qu’ofrís als usatgièrs la possibilitat de cercar entre mai de cent mila companhiás secretas, fondacions e fonzes d’investiment creats en d’endreches coma las Illas Verges Britanicas, las Illas Caiman, las Illas Cook o Singapor, entre d’autres.
“Lo secret crèa un entorn ont se pòt desvolopar la fraudariá, la fugida de capitals, lo blanquiment d’argent e d’autras formas de corrupcion. Offshore Leaks Database ajuda a eliminar aquel secret”, çò ditz lo director d’ICIJ, Gerard Ryle.
Las donadas son una part dels dos milions e mièg d’archius resultants del jornalisme d’investigacion. Aqueles archius son estats analisats per 112 jornalistas de 58 païses. Lo logicial foguèt creat pel jornal La Nación en Còsta Rica e s’amodèt lo 15 de junh passat.
S’agís d’una iniciativa del Consòrci Internacional dels Jornalistas d’Investigacion (ICIJ), qu’ofrís als usatgièrs la possibilitat de cercar entre mai de cent mila companhiás secretas, fondacions e fonzes d’investiment creats en d’endreches coma las Illas Verges Britanicas, las Illas Caiman, las Illas Cook o Singapor, entre d’autres.
“Lo secret crèa un entorn ont se pòt desvolopar la fraudariá, la fugida de capitals, lo blanquiment d’argent e d’autras formas de corrupcion. Offshore Leaks Database ajuda a eliminar aquel secret”, çò ditz lo director d’ICIJ, Gerard Ryle.
Las donadas son una part dels dos milions e mièg d’archius resultants del jornalisme d’investigacion. Aqueles archius son estats analisats per 112 jornalistas de 58 païses. Lo logicial foguèt creat pel jornal La Nación en Còsta Rica e s’amodèt lo 15 de junh passat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Bona novèla...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari