Actualitats
Reünion d’emergéncia del govèrn de Brasil après de manifestacions dins mai d’80 vilas
La presidenta de Brasil, Dilma Rousseff, anullèt son viatge previst en Japon e convoquèt ièr divendres una reünion d’emergéncia del govèrn davant la crisi provocada per las protèstas. Aital s’es creat un gabinet de crisi per far front a una de las situacions mai delicadas de l’istòria del país.
Èra pas solament pel prètz del transpòrt public qu’en Brasil se manifestava. E mai se lo govèrn a rebaissat lo prètz de la bilheta, mai d’un milion de personas manifestèron dijòus de ser dins aperaquí 80 vilas del país. Protèstan pas solament pel transpòrt public, mas per aver de servicis publics de qualitat.
Al delà, los indignats critican la corrupcion e lo naut còst dels eveniments esportius qu’organiza Brasil, coma la Copa Confederacions de fotbòl, la Copa del Mond de l’an que ven e los Jòcs Olimpics de 2016. Tocant la Copa Confederacions, que se disputa aquestes jorns, las protèstas se son entendudas dins los quites estadis, amb de crits e de bandieròlas de sosten als manifestants. Qualques esportius famoses tanben an sostengut las protèstas.
De faissisme dins lo movement e una paur de còp d’estat
De fonts prèpas dels manifestants an raportat a Jornalet que de grops faissistas populistas son a fòrabandir las esquèrras del movement. Se parla quitament d’ambient de còp d’estat.
Per paur, totes los movements d’esquèrra son a s’amassar per se protegir d’atacs que cèrcan de los fòrabandir del movement dels indignats.
Èra pas solament pel prètz del transpòrt public qu’en Brasil se manifestava. E mai se lo govèrn a rebaissat lo prètz de la bilheta, mai d’un milion de personas manifestèron dijòus de ser dins aperaquí 80 vilas del país. Protèstan pas solament pel transpòrt public, mas per aver de servicis publics de qualitat.
Al delà, los indignats critican la corrupcion e lo naut còst dels eveniments esportius qu’organiza Brasil, coma la Copa Confederacions de fotbòl, la Copa del Mond de l’an que ven e los Jòcs Olimpics de 2016. Tocant la Copa Confederacions, que se disputa aquestes jorns, las protèstas se son entendudas dins los quites estadis, amb de crits e de bandieròlas de sosten als manifestants. Qualques esportius famoses tanben an sostengut las protèstas.
De faissisme dins lo movement e una paur de còp d’estat
De fonts prèpas dels manifestants an raportat a Jornalet que de grops faissistas populistas son a fòrabandir las esquèrras del movement. Se parla quitament d’ambient de còp d’estat.
Per paur, totes los movements d’esquèrra son a s’amassar per se protegir d’atacs que cèrcan de los fòrabandir del movement dels indignats.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Cau consultar lei diccionaris italians e niçards, e veiretz qu'ai rason.
emergència a lo sens d'urgència en aranés, d'aquo ne podèm pas dobtar (influència catalano-espanhola), mai dins lei valadas occitanas e à Niça la bèla regina de li flors,podèm ne dobtar seriosament basta traire un cop d'uelh dins lo diccionari italian e s'avisam que lo mot emergènza li figura ben dins l'acepcion francesa, mai que pereu urgènza es italian loi votée d'urgence lègge votato d'urgènza secours d'urgence pronto soccorzo cas d'urgence emergènza lois d'urgence leggi d'emergènza, n'i a pèr bèure e per manjar en tot cas emèrgència es un mot sabènt ignorat per lei locutors naturaus
Indignats ? Perqué assimilar aquel moviment social als Indignats ? Seriá pas de la recuperacion politica ?
#1 Car sénher Pessamessa, me permeti de confirmar aquela informacion de Jornalet graças a las conversacions qu'ai agut amb d'amics brasilièrs: ne sabi pas pron se se pòt parlar de volontat de Còp d'Estat mas çò segur es que i a una tendéncia de drecha ou mai d'extrèma drecha que s'ajuntèt al movement e que tenta :
1) d'o "despolitizar" en forabandissent los "partichs" (movement que se vòl "apartidário" coma eles dison)
2) d'aprovechar de la situacion per la virar contre la presidenta Dilma e la tirar del poder (mai aquò se pòt veire sus las imatges d'informacions dels canals francés per ex.)
Es per aquò que per ara, lo movement a l'origina de tot aquò (Lo MPL, "Movement Passe livre" contra la pojada dels prèses) s'es arrestat de participar a las manifestacions fins a un esclariment de çò que se passa...
#1 — "Emergéncia" se ditz en occitan dins lo sens d'"urgéncia critica" o "crisi" (es corrent en aranés, niçard e cisaupenc). L'adjectiu "prèp, prèpa" se ditz en occitan lengadocian coma sinonim de "pròche, pròcha". Es corrècte d'utilizar aquelei recors expressius.
— Lo perilh faissista ven dei fònts d'informacion localas. Fisatz-vos dau professionalisme jornalistic de Jornalet.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari