Lo servici Street View de Google es una font inagotabla de curiositats. La darrièra nos arriba de l’analisi que n’a fach Alan Taylor, per i descobrir los endreches ont s’arrèstan bruscament las rotas que seguisson los veïculs del cercador californian, “siá per una causa geografica, siá per de frontièras internacionalas o, simplament, per la manca de seguida de la rota”.
 
Taylor s’es inspirat parcialament del jòc GeoGuessr mentre qu’amassava un brave vintenat d’impressions d’ecran de rotas talhadas o blocadas subitament, de la Nòva Zelanda a las illas articas d’Svalbard, e d’Alaska a Sud-Africa.