Actualitats
Los elegits socialistas d’Aude protèstan contra lo remandament après 2030 de la gara TGV de las Corbièras
Lo projècte de linha ferroviària de granda velocitat entre Montpelhièr e Perpinhan deu traversar lo departament d’Aude per las Corbièras, ont se prevei de crear una estacion TGV a Montredon de las Corbièras, mas aquela realizacion serà remandada après 2030.
Aquò a provocat la colèra dels elegits socialistas del departament que manifestèron divendres passat, en boicotant lo debat sus la transicion energetica que se deviá téner a Carcassona en preséncia de la ministra de l’Ecologia, Delphine Batho.
Ça que la, París a acceptat de los escotar. Lo secretariat del senator per aquel departament lengadocian, Roland Courteau, indiquèt dissabte passat que lo president francés, François Hollande, èra d’acòrdi per organizar una reünion entre “d’elegits d’Aude e de Lengadòc-Rosselhon e de conselhièrs del President de la Republica”.
Segon d’informacions de L’Indépendant, “la data d’aquel rendètz-vos deurà èsser comunicada dins los jorns venents per aqueles meteisses conselhièrs”, çò precisèt lo secretariat de Courteau.
Aquò a provocat la colèra dels elegits socialistas del departament que manifestèron divendres passat, en boicotant lo debat sus la transicion energetica que se deviá téner a Carcassona en preséncia de la ministra de l’Ecologia, Delphine Batho.
Ça que la, París a acceptat de los escotar. Lo secretariat del senator per aquel departament lengadocian, Roland Courteau, indiquèt dissabte passat que lo president francés, François Hollande, èra d’acòrdi per organizar una reünion entre “d’elegits d’Aude e de Lengadòc-Rosselhon e de conselhièrs del President de la Republica”.
Segon d’informacions de L’Indépendant, “la data d’aquel rendètz-vos deurà èsser comunicada dins los jorns venents per aqueles meteisses conselhièrs”, çò precisèt lo secretariat de Courteau.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ren d'estonant. Chal que los parisencs pueschen venir facil en Occitània crompar d'ostals segondaris. Mas per que los occitans se desplacèsson de Mentan a Bordèu interessa degunament París...
Vòlon que la granda abrivada demòre lo privilègi dels Parisencs. Escandalós.
De tota manièra, le TGV es le trèn dels riches. Es un transpòrt fòrça energivòr. La politica de desvolopament del TGV concurrença las linhas de proximitat. Es un transpòrt que religa las grandas vilas entre elas e que fè disparèisher les territòris. Separa la tèrra en dus ambe un mur rectilinhe que bèsias e òmes pòden pas passar. Le contrari de çò que nos cal.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari