Actualitats
Los elevaires del País Tòi, damatjats pels aigats, menaçan de tuar l’ors
Al delà dels damatges per las inondacions, l’ors lor a pres mantes motons
Los noiriguièrs de motons del canton de Lus (Lavedan), l’endrech de Bigòrra mai devastat per las inondacions dels 18 e 19 de junh, an exigit al prefècte del departament dels Nauts Pirenèus “la retirada” de l’ors, qu’aqueles jorns de la catastròfa a pres mantas fedas.
Los elevaires mostrèron al prefècte lor pena e fatiga. “Eras inondacions qu’ac an destruit tot, eras tèrras, eths bastiments; eras espleitas son voidadas, qu’ac avèm mostrat ath prefècte Henri d’Abzac; qu’avèm un trabalh de titan e non podèm pas patir ua dobla pena: eth estat deu retirar aqueste predator, s’eths sons servicis arrossegan eths pès be preneram eras nòstas disposicions”, çò declarèt la presidenta de l’associacion dels noiriguièrs del País Tòi, Marie-Lise Broueilh. “Retiratz eth ors o lo tuam”, çò apondiá segon La République des Pyrénées.
Lo gabinet del prefècte indiquèt que las autoritats son “prèstas a ajudar” los elevaires. Segon lo jornal pirenenc, emplegaràn de metòdes d’espaurida.
Los elevaires mostrèron al prefècte lor pena e fatiga. “Eras inondacions qu’ac an destruit tot, eras tèrras, eths bastiments; eras espleitas son voidadas, qu’ac avèm mostrat ath prefècte Henri d’Abzac; qu’avèm un trabalh de titan e non podèm pas patir ua dobla pena: eth estat deu retirar aqueste predator, s’eths sons servicis arrossegan eths pès be preneram eras nòstas disposicions”, çò declarèt la presidenta de l’associacion dels noiriguièrs del País Tòi, Marie-Lise Broueilh. “Retiratz eth ors o lo tuam”, çò apondiá segon La République des Pyrénées.
Lo gabinet del prefècte indiquèt que las autoritats son “prèstas a ajudar” los elevaires. Segon lo jornal pirenenc, emplegaràn de metòdes d’espaurida.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tuatz la ploja!
#3 Totauments d'acòrd. En un burèu decidissen de portar ossi eslovens en Pirenèu sens tier en compde qu'era montanha ei tròp umanizada e er ecosistema ei transformat en ostil ar os.
Aqueres decisions calerie prener-les tostemp damb er acòrd dera gent deth parçan. Era gent dera montanha que coneish era montanha
Quauquas errors en parlar Tòi arreconstituït enas citacions mès aquò rai, que s'a a felicitar ara inicativa de voler botar ena boca deth monde eth parlar deth loé parçan tà mots de qui an dit ça'm par en francés.
#2 Tà çò deth ors, qu'ei aisit de díser de qu'eths "anti-ors" son de braves colhons vist de lonh mès quan vives deth pastoralisme ena montanha, n'as pas besonh dera implantacion de bèstias mau adaptadas ad aqueras montanhas ja qu'sién dera madeisha espècia qu'era populacion de soca locau. Aquera reintroduccion qu'ei un deliri d'urbans dab un hons de mesprètz entara populacion locau e eras suas aspiracions, sustot quan òm engana eth monde dab bèstias mes atjadas que çò de ditz iniciaument e a còps dab era tumelita en cap.
Sense voler totun que qu'anèssen entiò tuar era bèstia, que pagam eras consequéncias d'ua politica faussament ecologica de broishòts. Que s'a a compréner era exaspercion deth monde, sustot en ua situacion coma era d'aquestes dias en País Tòi .
Començan de nos faire cagar amb l'ors ! Coma si passavian l'annada a caçar l'ors per pas que si manja lei gens. Fau arrestar, son indemnizats quora una bèstia es manjada.
Sabi totjorn pas que pensar dau programa de reintroduccion de l'ors, mai aquò segur, leis "anti-ors", per lei aguer un pauc praticat, son de braves colhons.
Fa pas bon viure èsser un ors en Occitània! Ièr perseguit pels gendarmas a Sijan.Uèi los ramadièrs que se fan cassaires!
Foguèt un temps, pas tròp aluenhat del nòstre, que los orses èran admirats e venerats pels Pirenèus. Los orsalhièrs los fasián dançar,e quitament lor parlavan en occitan.
En tuar los orses es un pauc de nosautres que tuam... E lo conte de Joan de l'Ors voldrà pas pus res dire pels nòstres mainatges.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari