Actualitats
Berlusconi, condemnat a sèt ans de preson pel cas Ruby de prostitucion
Lo procuraire n’aviá demandats sièis
L’èx-primièr ministre italian Silvio Berlusconi es estat condemnat a sèt ans de preson e a l’inabilitacion per tota sa vida per exercir pas cap de carga publica, a causa del cas Ruby de prostitucion. Ièr de tantòst, se coneguèt lo verdicte. Berlusconi, dins sos 76 ans, èra acusat d’abús de poder e de manténer de relacions sexualas en escambi d’argent amb una menora.
Après dos ans e tres meses de procès e après un cinquantenat d’audiéncias, los jutges de Milan, fin finala, an pres aquela decision. Lo procuraire aviá demandat sièis ans de preson e l’inabilitacion per exercir pas cap de carga publica pendent tota la vida. Los jutges an considerat que s’es provada la “prostitucion sistematica”, promoguda per Berlusconi dins las fèstas nomenadas “bunga-bunga”, e l’an sentenciat amb una condemnacion mai nauta.
Ça que la, rèsta malaisit que Berlusconi ane en preson, perque pòt encara presentar d’apelacions al procès e e lo far durar qualques annadas.
Mentre que s’esperava la senténcia, un grop de femnas cantèron la cançon Bella Ciao a las pòrtas dels tribunals (vidèo de La Repubblica):
Mèdias italians:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
se pot pas dire que i ague uno multitud de gent per manifestar e en mai d'aquo aquelei femnas cantan faus e son vièlhas, m"aurié mielhs agradat de vèire lei tetés dei femen, mai pèr ara son en gàbia en Tunisia e la confrontacion ambe lo mond musulman leis aurà rafrejadas
Per'mor qu'èi combat dab l'italian! Que'm sembla d'aver comprés ua aficha mes pas tot.
Las femnas qui cantavan qu'èra per militar entà qu'estosse condamnat, b'ei aquò?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari